Cəmiyyət

Dabaq xəstəliyi kənd süd satışına necə təsir etdi? - AÇIQLAMA

19 Dekabr 2025 12:00

Baxış: 466

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Mal qara arasında yayılan dabaq xəstəliyi süd məhsullarının satışına təsir edib. Vətəndaşlar əsasən kəndlərdən satılan emal olunmamış südü almağa ehtiyat edirlər.

Kənd südü hələ də təhlükəlidir?

Milli.Az xəbər verir ki, satıcıların sözlərinə görə,südün qiymətində nə artım, nə də azalma yoxdur. Alıcılar da bir müddətdir ki, kənd südü almadıqlarını deyirlər.

Məsələ ilə bağlı qida mütəxəssisi Mütəllim Abdullazadə qeyd edir ki, əsl təhlükə kənd südündə yox, onların nəzarətsiz şəkildə saxlanılması, gigiyenik normalara əməl olunmaması, qaynadılmamış istehlak olunması ilə bağlıdır:

"Xəstə heyvandan alınan çiy südün birbaşa içilməsi risk yarada bilər. Amma süd düzgün şəkildə qaynadıldıqda xəstəlik törədicilər istilik nəticəsində məhv olur. Yaxşı qaynadılmış süd dabaq və ya digər xəstəliklər baxımından təhlükəli hesab edilmir".

Qeyd edək ki, hazırda dabaq xəstəliyinə qarşı heyvanlar arasında peyvəndləmə aparılır.

Aysel Əkbər
Milli.Az