Cəmiyyət

"Hər gün vətəndaşlar bu üsulla aldadılır" - AÇIQLAMA

28 Noyabr 2025 17:50
Baxış: 1 248
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Paytaxt sakini Ramilə Əhmədxanova dələduzluğun qurbanı olub.

Milli.Az xəbər verir ki, onun sözlərinə görə, mebel satışı ilə məşğuldur və tanımadığı bir şəxs ona zəng edərək evinə mebel sifariş vermək istədiyini deyib.

Razılaşmadan sonra Ramilə xanım ustanı həmin şəxsin göstərdiyi ünvana göndərib. Usta yolda olarkən sifarişçi ona zəng edib və xahiş edərək bank kartına müəyyən məbləğ göndərməsini, usta evə çatanda həmin pulu behin üzərinə qaytaracağını vəd edib. Lakin pul köçürüləndən sonra həmin adamla əlaqə tamamilə kəsilib və vəsait geri qaytarılmayıb.

Şikayətçinin sözlərinə görə, həmin şəxsin bu cür insanları aldatması ilə bağlı hər gün yeni məlumatlar yayılır:

"Kartına pul göndərdirir və sonra yoxa çıxır. Buna baxmayaraq, o hələ də məsuliyyətə cəlb olunmayıb".

Son vaxtlar bu qəbildən olan fırıldaqçılıq hallarında ciddi artım müşahidə olunur. Həm internet üzərindən, həm də real həyatda hər gün onlarla, yüzlərlə insan belə əməllərin qurbanına çevrilir.

Hüquqşünas Vüsal Cəfərov bildirir ki, Cinayət Məcəlləsinin 178.1-ci maddəsinə əsasən, aldatma və etibardan sui-istifadə yolu ilə başqasına məxsus əmlakı mənimsəmək və ya əmlak hüququ əldə etmək dələduzluq hesab olunur və bu əməl cinayət məsuliyyəti yaradır.

Məsələ ilə bağlı Daxili İşlər Nazirliyindən isə bildirilib ki, sözügedən məsələ ilə bağlı Abşeron Rayon Polis İdarəsinə müraciət daxil olub. Müraciət əsasında araşdırma aparılır. Həmin şəxsin müəyyən edilərək məsuliyyətə cəlb edilməsi istiqamətində tədbirlər görülür.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.