Cəmiyyət

“BakıKart” ləğv olunacaq? - AÇIQLAMA

12 Noyabr 2025 21:30

Baxış: 3 260

VTB-də minimal faiz dərəcəsi ilə nağd kredit 9.9%-dən

#CƏMİYYƏT #BAKIKART

Bakıda metroda ödəniş sisteminin yenilənməsi insanlar tərəfindən müsbət hal kimi qarşılanıb. Artıq "BakıKart"la yanaşı, bank kartları və mobil ödəniş vasitələri "Google Pay' və "Apple Pay" də keçid üçün istifadə oluna biləcək.

Bu dəyişiklik "BakıKart ləğv olunurmu?" sualını gündəmə gətirib.

Məsələ ilə bağlı Milli.Az-a nəqliyyat məsələləri üzrə ekspert Yasin Mustafayev bildirib ki, bu proses çox rahatdır:

"Kart sistemində problemlər zamanla olur. Amma çeşidli ödəmə sistemi olduğu üçün bu problemləri elə də qabartmayacaq. Çünki bir çox kartlar bunu dəstəkləyir. Gələcəkdə də avtobuslarda da bu cür ödəniş sisteminə keçirilməsi gözləniləndir. Məqsəd sistemin modernləşdirilməsidir. "BakıKart"ın ləğvi hələ ki gündəmdə deyil. Yaxın gələcəkdə ola bilər ki artıq istifadə olunmasın".

Ekspertin sözlərinə görə, müxtəlif ödəniş üsullarının tətbiqi həm təhlükəsizliyi artırır, həm də sərnişinlər üçün əlavə rahatlıq təmin edir.

Aysel Əkbər
Milli.Az