Cəmiyyət

İş yerində siqaret çəkənlər CƏRİMƏLƏNƏCƏK

29 Oktyabr 2025 13:30

Baxış: 2 317

VTB-də minimal faiz dərəcəsi ilə nağd kredit 9.9%-dən

#CƏMİYYƏT #SİQARET

Azərbaycanda siqaret çəkənlər və onları işəgötürən müəssələr cəzalandırılacaq. Əgər işçilər restoranda siqaret çəkərsə, bunun üçün cərimə ödəməli olacaqlar. Məhdudiyyətlər təkcə siqaretə yox, elektron qəlyanlara da aiddir.

Milli.Az xəbər verir ki, məsələ ilə bağlı hüquqşünas Qasım Şaliyev bildirir ki, bütün təşkilatlarda, idarələrdə məhz tütün məhsullarını qadağan edən yazıların olması qanunla nəzərdə tutulub:

"Təəssüf ki, müşahidələr onu göstərir ki, qanunvericiliyin normalarına baxmayaraq bir çox işəgötürənlər məhz bu qanunun tələbinə səthi yanaşaraq, icra etmirlər. İş yerlərində tütündən istifadəyə görə siqaret çəkən şəxs 30 manat, vəzifəli şəxs 400 manat, işəgötürən vəzifəli şəxs 500 manat, işəgötürən hüquqi şəxs 2000 manat cərimələnə bilər".

Ekspertlərin sözlərinə görə, işəgötürənlər daxili intizam qaydalarına siqaret çəkməklə bağlı bəndlər əlavə etməli, işçiləri bu barədə yazılı məlumatlandırılmalıdırlar. Əgər işçi bu qaydaları pozsa, həm intizam, həm də inzibati məsuliyyətə səbəb ola bilər.

İnsan resursları üzrə mütəxəssis Rauf Məmmədovun sözlərinə görə, Əmək Məcəlləsinin 31-ci maddəsində kollektiv müqavilədə işəgötürənlərin üzərinə məsuliyyət qoyulur, kollektiv müqavilədə işçilərin ekoloji təhlükəsizliyin və sağlamlığın müdafiəsi ilə bağlı konkret müddətə qoyulmuşdur. Eyni zamanda işçilərlə işəgötürənlər arasında əmək münasibətlərinin tənzimlənməsi ilə bağlı nümunəvi əmək müqaviləsi bağlanır. Əmək müqaviləsində də əsas şərtlərindən biri işçilərin sağlamlığının və sanitar gigiyena qaydalarına, sağlamlıq qorunması sanitar gigiyena qaydalarına uyğun iş yerinin, iş şəraitinin təmin olunmasıdır.

Yaxşı olar ki, işəgötürənlər bununla bağlı müvafiq maarifləndirmə tədbirləri, proqramları həyata keçirsinlər.

Aysel Əkbər
Milli.Az