Cəmiyyət

İnternetin zəif olmasının səbəbi bilindi - "...əksər hallarda"

17 Oktyabr 2025 10:23

Baxış: 7 002

VTB-də minimal faiz dərəcəsi ilə nağd kredit 9.9%-dən

#CƏMİYYƏT #İNTERNET

Son günlər paytaxtda Bakı, Abşeron və Sumqayıt şəhərlərində internetin fasiləsiz təminatında bir sıra problemlər yaranıb.

Milli.Az xəbər verir ki, sakinlərin sözlərinə görə, internetin sürəti zəifləyib, tez-tez kəsilmələr olur. Bu hal həm onlayn dərs, işlərə, həm də gündəlik əlaqələrin yaradılmasında çətinliklərə səbəb olur.

Oxşar vəziyyət Yasamal rayonu ərazisində də müşahidə olunur. Bu ərazidə də sakinlər internetin qeyri-sabitliyindən şikayət edirlər.

Məsələ ilə bağlı İnformasiya Kommunikasiya Texnologiyaları Agentliyindən bildirildi ki, internetin keyfiyyəti və sürəti ilə bağlı olan şikayətləri diqqətlə araşdırılır:

"Paylayıcı nöqtələrdə aparılan ölçmələr zamanı əksər hallarda sürətin normal olduğu müəyyən edilir. Provayder tərəfindən problem aşkarlanarsa, dərhal aradan qaldırılır".

Qeyd olunur ki, mənzillərdə internetin zəifləməsi istifadəçinin avadanlığı provayderin texniki imkanları ilə bağlı ola bilər.

Asya
Milli.Az