Cəmiyyət

Sürücülərdən ŞİKAYƏT: “Hər dəfə bu yolu dönəndə qorxuruq”

8 Oktyabr 2025 13:35

Baxış: 1 216

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Ağstafa sakinləri rayonu iki hissəyə ayıran və 17 kəndi mərkəzlə birləşdirən körpünün istismara yararsız vəziyyətdə olmasından narazılıq edirlər.

Milli.Az xəbər verir ki, onların sözlərinə görə, alternativ yolun da normal vəziyyətdə olmaması sürücüləri gündəlik təhlükə ilə üz-üzə qoyur:

"Üç aydır ki, əsas yolu bağlayıblar. Alternativ yol isə o qədər pisdir ki, hər dəfə döngəyə girəndə qorxudan ürəyim sıxılır. Burada tez-tez maşınlar bir-birinə çırpılır. Körpüdə heç bir təmir işləri aparılmır. Bu yolda dəfələrlə qəza keçirmişəm. Yolların vəziyyəti bərbaddır."

Məsələ ilə bağlı Azərbaycan Avtomobil Yolları Dövlət Agentliyinin mətbuat katibi Anar Nəcəfli bildirib ki, sözügedən körpü 1961-ci ildə tikilib və Ağstafa rayonu ərazisində, Bakı-Ələt-Qazax-Gürcüstan sərhədinə gedən avtomobil yolunun 462-ci kilometrində dəmir yolu xəttinin üzərində yerləşir:

"Yol ötürücünün qəzalı vəziyyətdə olması ilə əlaqədar müraciətlər əsasında sözügedən məsələyə aidiyyəti üzrə baxılaraq qərar qəbul edilməsi məqsədilə Nəqliyyatı Əlaqələndirmə Şurasında müzakirəyə çıxarılıb. Aidiyyəti qurumların, həmçinin Fövqəladə Hallar Nazirliyinin yol ötürücünün texniki cəhətdən qəzalı vəziyyətdə olduğu barədə rəyi və paralelində alternativ yol ötürücünün mövcudluğunu nəzərə alaraq Nəqliyyatı Əlaqələndirmə Şurası tərəfindən qəzalı vəziyyətdə olan yol ötürücüdə nəqliyyat hərəkətinin qadağan edilməsi barədə qərar qəbul edilib. Qəzalı körpünün bərpası ilə bağlı hazırda hər hansı qərar yoxdur".

Asya
Milli.Az