Cəmiyyət

Zibil qutusundan tapılan külçələr kimindir?

21 May 2025 17:26
Baxış: 1 799
VTB-də minimal faiz dərəcəsi ilə nağd kredit 9.9%-dən
#QAÇAQMALÇILIQ

Külli miqdarda qızılın qaçaqmalçılıq yolu ilə ölkə ərazisinə keçirməkdə təqsirləndirilən Əfsər Mirzəliyev və Səfər Səfərov haqqında cinayət işinə Bakı Ağır Cinayətlər Məhkəməsində baxılıb.

Milli.Az xəbər verir ki, məhkəmənin iclasında hakim Nigar İmanovanın sədrliyi ilə keçirilən prosesdə prokuror ittiham aktını təqdim edib. Təqsirləndirilən şəxslər isə özlərini təqsirli saymadıqlarını bildiriblər. 

Qeyd edək ki, Səfər Səfərov 22 dekabr 2024-cü ildə İstanbul-Bakı reysi ilə hava limanına gələrək 461 min manat dəyərində olan 41 külçəni ölkə ərazisinə keçirməkdə təqsirləndirilir. 

Təqsirləndirilən şəxslər Baş prokuror yanında Korrupsiyaya qarşı Mübarizə Baş İdarəsi tərəfindən cinayət məsuliyyətinə cəlb ediliblər. Onlar barəsində Cinayət Məcəlləsinin 206.3.2 (qabaqcadan əlbir olan bir qrup şəxs tərəfindən qaçaqmalçılıq), 206.3.3-cü (vəzifəli şəxs tərəfindən qulluq mövqeyindən istifadə edilməklə qabaqcadan olan bir qrup şəxs tərəfindən qaçaqmalçılıq) maddələri ilə ittiham elan edilib, barələrində həbs qətimkan tədbiri seçilib.

Aysel Əkbər
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.