Cəmiyyət

Bakı sakinlərinin unudub hələ də gördüyü taksofonlar: "Əvvəl qızlarla belə danışırdıq"

8 May 2025 17:33

Baxış: 699

VTB-də minimal faiz dərəcəsi ilə nağd kredit 10.49%-dən

#MARAQLI

Dünyanın inkişafı ilə texnologiyaların sürətli inkişafı həyatımızda bir çox dəyişikliklərə səbəb olub. Mobil telefonların geniş yayılması və internetin gündəlik həyatda artıq ayrılmaz bir parçası olması ilə bəzi köhnə texnoloji vasitələr artıq gündəlik həyatımızdan çıxmağa başlayıb. Taksofonlar da bu dəyişikliklərdən təsirlənən vasitələrdən biridir.

Lakin bir zamanlar həyati əhəmiyyət kəsb edən bu cihazlar hələ də bəzi mühitlərdə öz yerini saxlayır.

Taksofonlar artıq tarixə qovuşmağa doğru gedirmi?

Milli.Az xəbər verir ki, keçmişdə heç kimin cibində telefon olmadığı zamanlarda taksofonlar insanlar arasında əlaqə qurmaq üçün əsas vasitə idi. Bir zəng bəzən bir evin üzünü güldürür, bəzən isə uzaqları yaxın edirdi.

Bugün hər kəsin cibində telefon olduğu üçün taksofonlara artıq o qədər də ehtiyac olmur. Şəhər sakinləri bu cihazlardan istifadəyə artıq ehtiyac qalmadığını ifadə ediblər:

"Tələbəlik illərində istifadə etmişəm, xüsusilə çətin vəziyyətlərdə çox faydalı idi", "Metroda taksofona pul atıb yaxınlarıma zəng edirdik" - deyə yerli sakinlər bildiriblər.

Qeyd edək ki, Bakıda taksofonların ilk dəfə quraşdırılması 1935-ci ilə təsadüf edir. O dövrdə telefon stansiyaları geniş şəkildə qurulsa da, yalnız 20 ədəd taksofon əhali istifadəsinə təqdim olunmuşdu. Zamanla isə taksofonların sayı artmış, köhnə cihazlar daha müasir modellərlə əvəz olunmuşdur. Hal-hazırda şəhərin müxtəlif yerlərində həm köhnə, həm də müasir taksofonları görmək mümkündür.

Asya
Milli.Az