Cəmiyyət

Məktəbin həyəti şagird yerinə itlə doludur

7 May 2025 16:50

Baxış: 729

VTB-də minimal faiz dərəcəsi ilə nağd kredit 10.49%-dən

#CƏMİYYƏT #MƏKTƏB #ŞAGİRD #ŞİKAYƏT

Son zamanlar Sumqayıtda küçə itləri ilə bağlı vəziyyət getdikcə təhlükəli hal alır. Xüsusilə məktəb yaxınlığında sərbəst şəkildə dolaşan itlər azyaşlı uşaqlar üçün real təhlükəyə çevrilib. Valideynlər narahatdır, çünki aidiyyəti qurumlar xəbərdarlıqlara baxmayaraq hələ də ciddi tədbir görməyib.

Milli.Az xəbər verir ki, Sumqayıt şəhərinin 6-cı mikrorayonunda yerləşən 27 nömrəli tam orta məktəbin həyətində sərbəst dolaşan küçə itləri şagirdlər üçün təhlükə mənbəyinə çevrilib.

Sakinlər bildirirlər ki, məktəbin ətrafında və binanın həyətində itlər sürü halında gəzir, bir neçə dəfə məktəblilərə hücum cəhdləri qeydə alınıb.

Valideynlər və yerli əhali uşaqların həyatının risk altında olduğunu bildirir və məsuliyyətli qurumlardan dərhal tədbir görülməsini gözləyirlər.

Asya
Milli.Az