Cəmiyyət

"Sədərək"dəkilərin günahı nədir? - AÇIQLAMA

17 Aprel 2025 11:58

Baxış: 2 274

VTB-də minimal faiz dərəcəsi ilə nağd kredit 9.9%-dən

#YAĞIŞ

Bakıda ötən gündən etibarən davam edən intensiv yağış paytaxtın bir sıra ərazilərində çətinliklər yaradıb.

Milli.Az xəbər verir ki, güclü yağıntının təsirindən sonra "Sədərək" Ticarət Mərkəzi də sel sularından zərər görüb.

Bəzi obyektləri və ara yollar tamamilə suyun altında qalıb. Sahibkarların sözlərinə görə, məhsullara su dəyəndə bəzilərinin rəngi dəyişir, bəziləri kif atır, ya da istifadəyə yararsız hala düşür. Bu səbəbdən də onlara xeyli ziyan dəyib.

Sahibkarlar qeyd edir ki, ticarət mərkəzində müxtəlif vaxtlarda yanğın, subasma hallarında onlara ziyanlar dəyir, lakin qarşılığında heç bir konpensasiya almırlar.

Bəs sahibkarlara dəymiş ziyan ödəniləcək?

Məsələ ilə bağlı ticarət obyektinin mətbuat katibi Kəmaləddin Qədimi deyib ki, suyun çəkilməsi istiqamətində işlər görülür.

"Yağış hadisələri baş verəndə sahibkarlara həmişə dəstək oluruq. Mağazaların yenidən bərpasına da köməklik göstəriləcək. Sahibkarlar mallarını sığortalamalıdırlar".

Qeyd edək ki, yağış nəticəsində ticarət mərkəzinin sıraları ilə yanaşı avtomobillərin hərəkət etdiyi yolları da su basıb. Buna görə də nəqliyyatın hərəkəti çətinləşib.

Aysel Əkbər

Milli.Az