Cəmiyyət

Onların sürücülük vəsiqəsi 2 illik olacaq - Sonra yenidən yoxlanılacaqlar

15 Aprel 2025 11:43

Baxış: 5 746

VTB-də minimal faiz dərəcəsi ilə nağd kredit 9.9%-dən

#SÜRÜCÜ

Son dövrlərdə artan qəzalar bunu deməyə əsas verir ki, həqiqətən də sürücülərin öz sağlamlıqlarına göstərdikləri məsuliyyət azdır. Mütləqdir ki, həm öz təhlükəsizliyimiz, həm də avtomobilimizdə əyləşən kəslərin mühafizəsi üçün səhhətimizə daim diqqət ayıraq.

Bir çoxlarımıza bəlli olduğu kimi, nəqliyyat vasitələrini idarəetmə hüququ sağlamlıq cəhətdən sürücülüyə yararlı olan insanlara verilir. Nəqliyyat vasitələrini idarə etməsinə mane olan xəstəliklərin və ya fiziki qüsurların siyahısını Səhiyyə Nazirliyinin müvafiq təşkilatları müəyyən edir.

Bəs hansı xəstəliklər olduqda sürücülük vəsiqəsi verilmir?

Mövzu ilə bağlı Milli.Az-a təlimçi Tofiq Rəcəbov açıqlama verib:

"Vətəndaş nə qədər yaxşı sürücü olsa da onun sağlamlığı və psixologiyası da yerində olmalıdır. Vətəndaşın TƏBB-dən aldığı arayış bunun bariz nümunəsidir. Burda əsas, görmə eşitmə önəmlidir".

Baş Dövlət Yol Polis İradəsindən bildirildi ki, qanunvericiliyin tələbinə uyğun olaraq, şəxsin sağlamlığının sürücülüyə yararlı hesab edilməsinin əsasları habelə nəqliyyat vasitələrini idarə etməsinə maneə olan xəstəliklərin və fiziki pozuntuların siyahısı Səhiyyə Nazirliyi tərəfindən müəyyən edilir. Həmin xəstəliklər siyahısına hərəkət,qan-damar, tənəffüz, alkoloq ve psixotrop maddələrə aludəçilik, diabet, kəskin, böyrək çatışmamazlıqları aiddir.

Siyahıda yer alan bir sıra xəstəliklərdə var ki həmin xəstəlikləri olan şəxslər üçün sürücülük vəsiqəsinin etibarlılıq müddəti şəxsin təqdim etdiyi tibbi arayışda göstərilən lakin 2 ildən artıq olmayan müddəti əhatə edir.

Ekspertlər qeyd edir ki, hər dəfə sürücülük vəsiqəsi yenilənəndə sağlamlıq haqqında arayış da təqdim edilsin.Birincisi ödənişli olmaqla, növbəti dəfə təqdim olunan arayışlar pulsuz olsun.

Aysel Əkbər
Milli.Az