Cəmiyyət

Bakının mərkəzində yenidən tülkü göründü

14 Aprel 2025 12:56

Baxış: 1 694

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Bakının mərkəzində yenidən tülkü görünüb.

Milli.Az xəbər verir ki, sosial şəbəkələrdə tülkülərlə bağlı videolar yayılmağa davam edir. Bayraq meydanı ərazisində gəzən, istirahət edən sakinləri isə bu heyvan narahat edir.

Bəs bu tülkü ilə bağlı niyə tədbir görülmür?

Məsələ ilə bağlı Dənizkənarı Bulvar İdarəsindən bildirilib ki, ərazidə tülkü olmasından xəbərdardırlar. Bu məsələ ilə isə Ekologiya və Təbii Sərvətlər Nazirliyinin 168 "Çağrı Mərkəzi"nə müraciət edilir. Nazirliyin aidiyyəti struktur bölmələri həmin canlıların bulvar ərazisindən müvafiq qaydada uzaqlaşdırılması istiqamətində zəruri addımlar atır. Ekologiya və Təbii Sərvətlər Nazirliyindən isə qeyd olunub ki, məsələ ilə bağlı məlumatlıdırlar. Nazirliyin nəzdində fəaliyyət göstərən Bioloji Müxtəlifliyin Qorunması Xidməti tərəfindən zəruri tədbirlər görüləcək.

Qeyd etmək lazımdır ki, tülkülər quduzluq xəstəliyinin yayılmasına səbəb ola bilərlər. Quduzluq isə olduqca təhlükəli xəstəliklərdəndir.

Aysel Əkbər
Milli.Az