Cəmiyyət

Gələn aydan Bakı-Tbilisi qatarı açılır? - Görüntülər YAYILDI

9 Aprel 2025 11:45

Baxış: 3 567

VTB-də minimal faiz dərəcəsi ilə nağd kredit 9.9%-dən

#QATAR #DƏMİR YOLU

Azərbaycan Dəmir Yollarına aid sürət qatarı Tbilisidə görünüb.

Milli.Az xəbər verir ki, bu barədə fotolar yayılıb.

İddiaya görə mayın 1-də Bakı-Tbilisi-Bakı qatarı işə düşəcəyi üçün qatarımız yoxlama məqsədi ilə Tbilisiyə göndərilib.

Məsələ ilə əlaqədar "Azərbaycan Dəmir Yolları" QSC ilə əlaqə saxladıq. Qurumdan Milli.Az-ın sorğsuna cavab olaraq bildirildi ki, həmin fotodakı qatar sərnişin qatarı deyil, relsləri yoxlayan, başqa sözlə, relslərin diaqnostikasını aparan qatardır.

Bu şəkil Azərbaycan və Gürcüstan arasında dəmir yolu ilə sərnişindaşımasının yenidən bərpa edilməsi mövzusunu yenidən gündəmə gətirir. Ötən aylarda Gürcüstanın İqtisadiyyat və Davamlı İnkişaf Nazirliyi 2 ölkə arasında dəmir yolu ilə sərnişindaşıma mayın 1-dən bərpa edilməsi ilə bağlı məlumat yaymışdı.

Bəs Bakı-Tbilisi qatarının açılması nəzərdə tutulur?

ADY-dən bildirildi ki, bu məsələ xüsusi karantin rejiminin tətbiqi və sərhədlərin bağlı olması ilə bağlı məsələdir.

Aysel Əkbər
Milli.Az