Cəmiyyət

Bakıda damı damın üstünə qoymaq istədilər - Sakinlər etiraz etdi, iş dayandırıldı

2 Aprel 2025 11:25

Baxış: 2 002

VTB-də minimal faiz dərəcəsi ilə nağd kredit 9.9%-dən

#BİNA #TİKİNTİ

Paytaxtın Yasamal rayonu Mirzə Fətəli Axundov 175 ünvanında daha bir mənzil özbaşnalığına cəhd olunur.

Milli.Az xəbər verir ki, sakinlərin sözlərinə görə, binanın dam örtüyü söküləndən sonra həmin ərazidə yeni mənzil inşa olunacaq. Binaların damları yaşayış üçün nəzərdə tutulsa da, Kəpəz MTK damları sökür, bu isə tam qanunsuzdur.

Məsələ ilə bağlı təhlükəsizlik eksperti Elmar Nuraliyev bildirib ki, binanın dam örtüyündə tikinti işlərinin aparılması yolverilməzdir. Aparılan qanunsuz tikinti işləri gələcəkdə digər mənzillərə təhlükə yarada bilər.

Suallarımıza cavab tapmaq üçün Kəpəz MTK ilə əlaqə saxlamağa çalışsaq da, suallarımıza cavab verən tapılmadı.

Məsələ ilə bağlı Yasamal Rayon İcra Hakimiyyətindən bildirildi ki, həmin ərazidə görülən işlər qanunsuz olduğundan dayandırılıb.

Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsindən isə bildirildi ki, aparılan işlər mövcud qanunvericiliyin tələblərinə zidd olduğu üçün Baş İdarə tərəfindən dayandırılıb və aktlaşdırılıb.

Aysel Əkbər
Milli.Az