Cəmiyyət

Bakıda bu evlər bahalaşdı

12 Mart 2025 15:42
Baxış: 1 532
VTB-də minimal faiz dərəcəsi ilə nağd kredit 9.9%-dən
#İQTİSADİYYAT

Bakıda mənzil bazarında qiymət artımı müşahidə olunur və bu bahalaşma statistik göstəricilər tərəfindən də təsdiq edilir.

Milli.Az xəbər verir ki, Azərbaycan Qiymətləndiricilər Cəmiyyətinin məlumatına görə, 2025-ci ilin fevral ayında Bakıda mənzillərin qiyməti yanvar ayı ilə müqayisədə orta hesabla 1,5 faiz, 2024-cü ilin fevral ayı ilə müqayisədə isə 11,2 faiz artıb.

Ekspertlər qiymət artımını əsasən ipoteka kreditləri üçün müraciətlərin başlanılması ilə əlaqələndirirlər. 2025-ci ilin fevralın 6-dan etibarən ipoteka kreditlərinin verilməsi prosesinə başlanıb ki, bu da əmlak bazarında müştəri sayının artmasına səbəb olub. Daşınmaz əmlak eksperti Elnur Fərzəliyev bildirib ki, ipoteka kreditlərinin verilməsi ilə bağlı prosesin başlaması müştərilərin daha çox çıxarışlı və ipotekaya yararlı əmlaklara maraq göstərməsinə yol açıb. Xüsusilə, köhnə tikililərdən 9 mərtəbəli binalara və yeni tikililərdə çıxarışlı əmlaklara olan tələbatın artması bu tip əmlakların qiymətlərinin bahalaşmasına səbəb olub.

Lakin qiymətlərin yüksək olduğu və ipotekaya yararsız əmlaklarda bahalaşma müşahidə olunmayıb. Mütəxəssislər bu cür əmlakların satışında durğunluğun olduğunu bildirirlər. Bu vəziyyət bazarda qiymət artımının yalnız ipotekaya uyğun və sənədləşməsi düzgün olan əmlaklarla məhdudlaşdığını göstərir.

Asya
Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.