Cəmiyyət

Xatirə İslamın bacısından həmin iddialarla bağlı CAVAB - FOTO

2 Dekabr 2024 20:13

Baxış: 2 871

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MÜĞƏNNİ #TİBB #PLASTİK CƏRRAHİYYƏ #HƏKİM

Xəbər verildiyi kimi ABŞ-da yaşayan jurnalist Qənirə Ataşova bu dəfə müğənni Xatirə İslamın həkim bacısı Günel Əzizova ilə bağlı paylaşım edib.

Milli.Az bizim.media-ya istinadən bildirir ki, Azərbaycanda fəaliyyət göstərən həkim və estetik cərrahlarla bağlı paylaşımları ilə gündəm yaradan jurnalist Günel Əzizovanın tibb təhsilinin olmadığını iddia edib. Onun sözlərinə görə tibb təhsili olmayan Günel Əzizova qeyri-qanuni əməliyyatlar aparır və ginekoloji prosedurlar həyata keçirməkdə davam edir. Amma heç bir sənəddə adı keçmir.

Məlumatda qeyd olunur ki, Xatirə İslamın təsiri ilə bacısı Günel Əzizova bir zamanlar tibb müəssisələrində Mirezim Zaidov adlı həkimin köməkçisi kimi işə başlayıb.

Qənirə Ataşova: "Xatirə İslamın həkim bacısının da tibb təhsili yoxdur"

Digər iddiaya görə Günel Əzizova bir müddət yeni doğulmuş uşaqların olduğu ginekoloji şöbədə, daha sonra isə həkim-ginekoloq kimi fəaliyyət göstərib.

İddialarla bağlı Xatirə İslamla əlaqə yaratdıq. Müğəninin köməkçisi Qönçə xanım Bizim.Media-ya Xatirə İslamın xaricdə olduğunu əsas gətirərək, sorğudan yayınıb.

Öz növbəsində Xatirə İslamın bacısı və adı saxta həkim fəaliyyəti ilə məşğul olmaqda iddia olunan Günel Əzizova ilə də əlaqə yaratdıq. Onunla da əlaqə cəhdimiz baş tutmadı.

Günel Əzizova şəxsi İnstagram səhifəsindəki şərh bölməsində ona ünvanlanan sözügedən ittihamlara reaksiya verib.

O, Qənirə Ataşovanın iddialarına cavab olaraq bunları yazıb:

"Mənim o xanıma heç bir neqativ fikrim yoxdu. O, sadəcə kaşki məni tanıyaydı".

Daha sonra şərhlərdə Günel Əzizovanın şəxsinə Azərbaycan Tibb Universitetini hansı illərdə bitirdiyi barədə suallar ünvanlanıb. Hətta diplomuna dair faktla çıxış etməsi istənilib. O, isə bu sulları cavabsız qoyaraq əlavə şərhlərdən yayınıb.

Milli.Az