Cəmiyyət

Lazeroloq necə həkim oldu?

27 Noyabr 2024 13:29

Baxış: 847

Ülviyyə İlyasovanın 35 yaşlı Bəsti Hacıyevanı liposaksiya əməliyyatı etdikdən sonra vəziyyətinin pisləşdiyi bildirilir. Həmçinin Aktrisa Mila Bekova da Ülviyyə İlyasovanın etdiyi əməliyyatdan sonra səhhətində ciddi problemlər yarandığını, bədəninə çirk yığıldığını deyib.

Milli.Az big.az-a istinadən xəbər verir ki, Ülviyyə İlyasovanın 2il öncə lazeroloq kimi fəaliyyət göstərdiyi məlum olub. Bunu onun əvvəl müştərisi olmuş şəxslər təsdiqləyib.

Ülviyyə İlyasova ilə əlaqə saxlanılıb.

Həmin şəxs əvvəlcə Ülviyyə xanımın yaxını olduğunu, bu nömrəni Ülviyyə İlyasovanın artıq istifadə etmədiyini deyib. O bildirib ki, jurnalistin sualını Ülviyyə xanıma çatdırmağa hazırdır. Lakin sualı eşidəndən sonra Ülviyyə xanımı tanımadığını, bu nömrənin ona satıldığını deyib.

Qeyd edək ki, Ülviyyə İlyasova efirdə artıq həkim kimi fəaliyyət göstərmədiyini desə də, aktrisa Mila Bekova bunun yalan olduğunu qeyd edib.

Ülviyyə İlyasova bu ilin aprel ayında eltisi Səbirə Vəliyevanı əməliyyat etdikdən sonra ölüb.

Milli.Az