Cəmiyyət

Əlilliyi olan şəxslər yeni qaydalarla təyinat üçün yenidən müraciət edə bilərlər?

6 Sentyabr 2022 14:22
Baxış: 1 152
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Əvvəlki qaydalarla müddətli əlillik təyin olunmuş şəxslərin müddət bitmədən yeni qaydalarla yenidən əlliliyin təyin olunması üçün müraciət edə bilib-bilməməsi məsələsinə aydınlıq gətirilib.

Milli.Az Trend-ə istinadən bildirir ki, Dövlət Tibbi-Sosial Ekspertiza və Reabilitasiya Agentliyinin sədr müavini Mətanət Məmmədova "Sosial saat"da deyib ki, hazırda həmin şəxslərin qanunvericiliklə nəzərdə tutulmuş əlillik müddətləri var.

"Əgər həmin şəxslərə müddətli əlillik təyin olunubsa, onun müddəti bitdikdən sonra yeni qaydalara uyğun olaraq müraciət edəcək və yeni qaydalarla əlillik təyinatı aparılacaq", - deyə o əlavə edib.

Qeyd edək ki, "Əlilliyi olan şəxslərin hüquqları haqqında" qanuna dəyişikliklər edilib. Dəyişikliklərin 2022-ci il iyulun 1-dən qüvvəyə minib. Yeni qaydalara əsasən, əlillik orqanizmin funksiyasının itirmə dərəcəsinə görə, yəni faizlə müəyyən edilir. Orqanizmin funksiyasının 30-60 faiz itirilməsi III qrup, 60-80 faiz itirilməsi II qrup, 80-100 faiz itirilməsi isə I qrup hesab olunur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.