Şou-biznes

Ksenya Sobçak polis idarəsinə çağrılıb - VİDEO

13 Oktyabr 2021 15:54

0 Şərh Baxış: 825

#ŞOU-BİZNES #VİDEO

Xəbər verdiyimiz kimi, rusiyalı jurnalist, teleaparıcı Kseniya Sobçak Soçidə avtomobil qəzasına düşüb.

Milli.Az axşam.az-a istinadən xəbər verir ki, Sobçak hadisədən sonra dərhal başqa maşına oturaraq hava limanına gəlib və Moskvaya uçub. Məsələdə heç bir günahı olmadığını deyən aparıcı bu haqda çox danışmaq da istəməyib. Ötən gün isə Ksenya ifadə vermək üçün Soçi Daxili İşlər Departamentinə çağırılıb. Aparıcı sürücü ilə üzləşdiriləcək.

Qeyd edək ki, hadisə oktyabrın 9-u axşam saatlarında, aparıcı Soçidə hava limanına gedərkən baş verib. Sobçakın olduğu "Mercedes" markalı avtomobil qarşı zolağa çıxıb. Bu zaman "Volkswagen" ilə toqquşub. Nəticədə "Volkswagen"də olan 35 yaşlı qadın, Yekaterina Tarasova həyatını itirib. Maşında olan sürücü və digər sərnişin xəstəxanaya çatdırılıb.

Hadisə şahidlərinin sözünə görə Sobçak qəzanın ardından hadisə yerini tərk edib və hava limanına yollanıb. Onun hadisədən əvvəl maşında onlayn olaraq həmkarı ilə danışdığı bildirilib. Aparıcı sürücünü hava limanına çatmaq üçün tələsdirmədiyini qeyd edib. Hadisəni törədən sürücüsü Oleq Tsoy günahını boynuna alıb və hazırda ev dustaqlığına buraxılıb.

Milli.Az