Şou-biznes

Nüşabədən çağırış: “Günə 6-7 qazi toyu olur, çatdıra bilmirəm, siz də qoşulun”

11 Sentyabr 2021 04:33
3 Şərh     Baxış: 3 770

"Hörmətli sənət yoldaşlarım, 2 il toy olmadı, acından ölmədik. İki ay Məhərrəmlik olur, yenə ruzini Allah yetirir. Yeni sezonda qazi toyları var, xahiş edirəm, bu təşəbbüsə qoşulun. Mən təkəm, bir günə 6-7 qazi toyu yazılır, üçünə ancaq gedə bilirəm. Çünki ayrı-ayrı yerlərdədir, məsafə uzaqdır. Ən azından mənim gedə bilmədiklərimə siz yollanın. Yarım saat oxumaqla acından ölməyəcəksiniz".

Milli.Az axşam.az-a istinadən xəbər verir ki, bu sözləri İnstaqram hesabında müğənni Nüşabə Musayeva yazıb. O, həmkarlarına müraciət edərək bunları söyləyib:

"Bizim yolumuzda sağlamlıqlarını, canlarını qoyublar. Bu borcumuzdur. Onların borclarını heç vaxt qaytara bilmərik. Ən azından onlara bir stimul verərik. Qazi olmaqları ilə fəxr edərlər. Müharibə zamanı Vətənim, igidim, əsgərim, millətim, ordum, şəhidim, torpağım, deyə bağırıb, paylaşımlar edirdiniz. Bəs vətənpərvərliyiniz necə oldu? Elə sosial şəbəkələrdə paylaşımlardamı vətənpərvərsiniz? Yoxsa borcunuzu, hərbi geyimdə klip çəkdirməklə ödədiyinizi düşündünüz? Onlara kliplər, paylaşımlar yox, özəl günlərində yanlarında olmağınız lazımdır. Bütün ifaçıları bu gözəl təşəbbüsə qoşulmağa dəvət edirəm. Gözəllik, gün salonları və  məclislərlə əlaqəli digər sahələrdə çalışanlara səslənirəm. Qazilərimizə, Vətən oğullarımıza, şəhid ailələrimizin balalarının toy günlərində diqqət göstərin. Qazilərimiz də canlı şəhid sayılırlar. Biz onların sayəsində rahat yaşayırıq. Nə tez unutdunuz?"

Milli.Az

Şərh yaz:

3 Şərh:

  • Anonim
    Tutu · 11 Sentyabr 11:2250

    Cox gözəl və yerində deyilən sözlər çox sağ ol Nüşabə. Çox düz yazıb zalımın balasi, əsgər forması geyib 1 kilip çəkdilər, elə bildilər ki, şəhidlərə, qazilere borclarını verdilər. Ən əsas bu təşəbbüsə Qarabağdan olan mugeniller qoşulmalıdır, Tacir,Mənsur,Manaf, Nəzakət, Aygün, Elnur, Zamiq, Babak, Röya və n qədərdir. Elton gedib Qubadlı musiqi məktəbi açmaq istəyir, hələ get 5 qazı toyunda oxu, pul sal sonra o qanları tökülən torpaqlarda gedib at oynadarsiz. Siz gerek əməllərimizlə onların hər birindən halallıq isteyesiz ki, ordan da xeyir tapa biləsiz. Siz Bakıda kef edəndə o igidlər orda canından, sağlamlığından oldular yaş, palçıqlı torpağın üstündə günlərlə ac qaldılar. Onların haqqı ödenmez

    Cavab yaz
    • Anonim
      Nara · 11 Sentyabr 16:1810

      Can ay baci düz fikirdir.(

      Cavab yaz
      • Anonim
        Naraya · 12 Sentyabr 00:0800

        Can sənə canim menim.❤️

        Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.