Şou-biznes

"Hər kəs ulduz ola bilməz"

17 Yanvar 2020 18:15

3 Şərh Baxış: 1 397

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #EUROVİSİON #MÜĞƏNNİ

Müğənni Səmra Rəhimlinin "Bu il Azərbaycanı Rusiya şou-biznesindən kimsə təmsil etməlidir. "Eurovision"a ulduz lazımdır və hər kəs ulduz ola bilməz" fikirləri müzakirəyə səbəb olub.

Milli.Az xəbər verir ki, axşam.az məsələ ilə bağlı bir neçə ifaçının münasibətini öyrənib. "Eurovision 2011" qalibi Eldar Qasımovun düşüncəsi belədir:

"Bu müsabiqə bütün dünyadakı mədəniyyət təmsilçilərini bir yerə toplayır və həmrəy edir. Ümumiyyətlə, mahnını bir neçə fərqli ölkənin nümayəndəsi birləşib ərsəyə gətirsə, gözəl alınar. Səmranın fikirlərinə qarşı ola bilmərəm. Pis fikir deyil. Ancaq düşünürəm ki, Azərbaycanda istedadlılar bitəndə, başqa ölkəyə müraciət edə bilərik. Çünki kifayət qədər istedadlı ifaçılarımız var. Onları göndərməyimiz bizi daha çox sevindirər, nəinki başqa ölkənin təmsilçisini.

Səmra Rusiyada yaşayan azərbaycanlıları da nəzərdə tuta bilər. Lakin fikir versəniz, biz yaxşı olan bir şeyi həmişə kənardan tapmağa çalışırıq. Amma özümüzü "qaşıyıb" içimizdən çıxarsaq, onlardan sözün yaxşı mənasında istifadə edib, ön planda ola bilərik. Məncə, öncəliklə özümüz vətənimizi təmsil edəcək istedadlar yetişdirməliyik".

Murad Arif isə Səmranın ad çəkmədən səsləndirdiyi fikrin ünvanını göstərib:

"Səmra xarici ulduz deyəndə Emin Ağalarovu nəzərdə tutur. Məncə də, yaxşı seçimdir. Kim gedirsə, ölkəmizə uğurlu olsun. Başqalarını bilmirəm, amma mən getməyə hazıram".

Müğənni Elvin Abdullayev isə Səmra ilə qismən razıdır:

"Bir sözü ilə razıyam: hər kəs ulduz ola bilməz. Fikrimcə, bu il Gülyaz və Gülyanaq bacıları "Rast" qrupu ilə "Eurovision"a qatılsa, möhtəşəm olar. Gözəl səsləri ilə Avropanı ayağa qaldırarlar".

Milli.Az

Milli.Az - Xəbər Portalı

"Hər kəs ulduz ola bilməz"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?