"Mən yalnız filmlərə çəkilirəm. "Çölçü", "Yarımçıq xatirələr", "Vəkil hanı?", "Dərvişin qeydləri" və sairə".
Milli.Az Axşam.az-a istinadən xəbər verir ki, bu sözləri AzTV-də yayımlanan "Gün başladı" proqramında Əməkdar artist Bəhruz Vaqifoğlu deyib.
O bildirib ki, hər il boş rolda oynadığı film olduğuna görə kommersiya məqsədilə seriallarda və reklamlarda yer almır:
"Baxıram ki, hər ilimə baş rolda bir dövlət filmi düşürsə, özümü niyə ucuz reklamlarda, seriallarda xərcləməliyəm? Düzdür, o qədər tanınmıram. Amma kino ilə bağlı mövzularda gənc aktyor olaraq məni verilişlərə çağırırlarsa, bu, mənim üçün hər şeyi ötüb-keçir".
Qeyd edək ki, B.Vaqifoğlu Azərbaycan Dövlət Pantomim Teatrında çalışır.
Milli.Az