Şou-biznes

“Kimsə toyda mənə deməsin ki, filan mahnını oxu”

11 Sentyabr 2019 11:39

5 Şərh Baxış: 1 803

#ŞOU-BİZNES #TOY #MÜĞƏNNİ

Lazımsız və boş insanlar həyatımdan gəlib keçir. Mən nədənsə, onlara inanıb yanımda saxlayıram. Bu, məni əsəbiləşdirir. İnsanın özünə qoyduğu qadağalarda gözəllik var. Onlar nə qabardılmalı, nə də kiçildilməlidir.

Milli.Az qafqazinfo-ya istinadən xəbər verir ki, bu sözləri müğənni Eldar Qasımov "MTV Azərbaycan"a açıqlamasında bildirib. Sənətçi özünə qoyduğu çərçivələrdən də danışıb.

Eldar daha sonra şou-biznesdə dostunun olmadığını açıqlayıb: "Mənim dostlarım universitet illərində tanıdıqlarım "Eurovision"dan qabaq gördüklərimdir. İndiyədək onlarla dostluq edirəm".

Bundan əlavə, ifaçı qeyd edib ki, müğənnilər sənətlərini toya qurban edirlər: "Şou-biznes yoxdur, toy biznesidir. İnsanlar bütün sənətini toya çağırılmaq üçün edirlər. Onları qınamaq olmur. Mən toylara nadir hallarda gedirəm. Şərtim o olur ki, məclisdə öz mahnılarımı ifa edəcəyəm. Bu, mənim üçün çox vacibdir. Kimsə mənə yaxınlaşıb deməsin ki, filan mahnını oxu. Ona görə də siyahı ev sahibinə öncədən təqdim olunur".

Milli.Az