Şou-biznes

Mətanət Əsədova AĞIR QƏZAYA DÜŞDÜ? - Dünəndən ağlaşmadı - FOTO

17 İyun 2019 11:30
4 Şərh     Baxış: 45 035
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Müğənni Mətanət Əsədova avtomobil qəzası keçirməsi ilə bağlı sosial şəbəkələrdə yayılan məlumatlara özü reaksiya verib.

Milli.Az xəbər verir ki, "Hər şey daxil"in efirinə telefonla qoşulan Mətanət Əsədova onun ağır qəzaya düşdüyü xəbərlərinin ağ yalan olduğunu bildirib.

Müğənni barəsində dezinformasiya yayanları efir vasitəsi ilə sərt tənqid edib:

"Deyirəm hər yerdə belə ağılsız, başdan xarablar var da! Bunlar utanmırlar, bunların Allahı yoxdur? Qorxu yoxdur bunların canında? Əvvəla mən maşını çoxdandır satmışam, indi maşınsızam. İkinci də mən ayrı bir maşınla ATV telekanalına çəkilişə gedirdim. Özü də çəkiliş canlı yayım idi. Efirdə aparıcı soruşdu ki, "Niyə qanınız qaradır?". Dedim "Heç nə, bir balaca qəza oldu. Maşın maşına dəydi, nə yaxşı ki mənə heç nə olmadı". Mən canlı efirdəyəm, heç nə də olmayıb mənə. Yazıblar ki, Mətanət Əsədovaya zəng çatmadı. Heç kim də mənə zəng etməyib ha. Bu qədər Allahsızlıq olar? Bəlkə mənim evimdə ağır xəstə var, həyəcan keçirdər. Nə qədər siz mənimlə oynayırsınız? Məndə axtardıqlarınız başınıza gəlsin. Allah məni istəsin, Allahın qulunun məni istəməyini neynirəm. Amma birdənə onu bilsinlər ki, Allahdan qorxsunlar. İnsan diriykən bunlar öldürür. Dünəndən bəri mənim telefonum susmur. Br Allah şahiddir, dünən bir məclisdə oturmuşdum, telefonum da susmur. Mən də İnstaqram-a baxmamışam ki, nə olub axı. O deyir "sağsan, bu deyir "Sağsan". Bir dənə də aşmış maşın qoyublar. Amma maşın-maşına dəyib bir damcı. Dünəndən bəri ağlaşmadı. Bu qədər insanların göz yaşını niyə axıdırsınız? Utanmırsınız?"

Təhməz Təkin
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.