Şou-biznes

Azərbaycanda niyə qorxu filmləri çəkilmir? - SƏBƏB

12 İyun 2019 16:29
9 Şərh     Baxış: 930

Azərbaycanda hazırda müxtəlif janrlarda filmlərə rast gələ bilirik. Lakin qorxu janrında çox az sayda filmlərimiz var. Bu, dünyada ən çox sevilən janrlardan biri olmasına baxmayaraq ölkəmizdə ən az müraciət edilən film janrlarındandır.

Azərbaycanda ilk qorxu filmi olan "Xənnas"ın rejissoru Elvin Abdulla primetime.az-a açıqlamasında ölkədə qorxu filmlərinə baxılmamasının səbəblərindən danışıb. O bildirib ki, Azərbaycanda komediyadan başqa janrlar demək olar ki, yox səviyyəsindədir:

"Amma son dönəmlər - iki-üç il ərzində istehsal olunmuş filmlər göstərir ki, dram janrına üstünlük verilir. Filmin başqa növləri, janrları da var. Bunlardan biri də qorxu janrıdır ki, bu da Azərbaycanda yox səviyyəsindədir. Kinoteatrlara çıxan ilk qorxulu Azərbaycan filmini biz istehsal etdik. Mistik triller janrında olan "Xənnas"dan sonra bildiyim qədərilə belə bir film olmayıb. Bu, normaldır. Qərb cəmiyyətində qorxu filmləri çəkilir, baxılır. Onlarda qorxu mədəniyyəti var, ölülərlə bağlı fərqli yanaşma mövcuddur. Məsələ təkcə filmlərdən getmir. Ümumiyyətlə, insan, cəmiyyət olaraq ölümə, qorxulu hadisələrə, şeytana, iblisə, qara qüvvələrə başqa yanaşma müşahidə edilir. Məsələn, Amerikada "Halloween" - Cadugərlər günü var. Azərbaycan və Şərq mədəniyyətində isə belə bir şey yoxdur. Pis, mənfi qüvvələri yad edən, onları xatırlayan özəl gün mövcud deyil. Bu, ümumiyyətlə, İslam mədəniyyəti yayılmış bütün ölkələr, millətlərə aiddir. Bizdə daha çox insanlara yardım, humanist fəlsəfə, özündə müsbət keyfiyyətləri əks etdirən ictimai-psixoloji vəziyyət hökm sürdüyü üçün təbii ki, cəmiyyətimiz qorxu filmlərinə də maraq göstərmir. Burda dini, milli, etnik faktorlar önəmli rol oynayır".

E.Abdulla qeyd edib ki, digər səbəblərdən biri filmlərin keyfiyyəti ilə bağlıdır:

"Filmlərin keyfiyyəti yaxşı olmadığı, qorxulu filmlər komediya filmlərinə bənzədiyi, yəni ordakı obrazlar keyfiyyətli şəkildə təqdim olunmadığı üçün insanların etimadı yoxdur. Onlar düşünür ki, qorxu filminə gedib güləcəklər, çünki normalda həmin filmlərin əksəriyyətində qorxu elementlərinə rast gəlmək olmur. Ona görə də Azərbaycanda qorxu filmlərinə baxılmır. Bu, mənim subyektiv fikirlərimdir. Digər səbəb isə filmin satış işi ilə məşğul olan mütəxəssislərin qərarı ilə bağlıdır. Məsələn, prodüserlər analiz edirlər ki, bu il 10 film istehsal edildi, bunlardan 3-ü tutdu, 7-si tutmadı. Həmin 7-sindən də 2-si heç öz pulunu belə çıxara bilmədi. Bu filmlərin janrları müəyyən edilir və görülür ki, qorxu, dedektiv filmləridir. Tutan filmlər isə adətən komediya janrında olur. Demək, insanlar gülmək istəyir. Ona görə də bu janra müraciət daha çoxdur. İstehlakçılar, kinoteatrlara gedən kütlə komediya, əyləncə, macəra filmlərinə üstünlük verir. Nəticədə prodüserlər qorxu filmlərinə pul ayırmırlar".

Milli.Az

loading...

Şərh yaz:

9 Şərh:

  • Anonim
    Mery · 12 İyun 16:3950

    Ele cekecerlerki hec kim gorxan deyil naxag yere xerc cekmesinler

    Cavab yaz
    • Anonim
      PRiNS · 12 İyun 21:1822

      Milli medeniyyetlerinde yoxdur, pah! İslam "humanizminde" yoxdur! Ona göre axi İslamin kitabi-Qurani asin, kesin, doğrayin, yandirin emrleriyle doludur. Humanistdir axi!

      Cavab yaz
    • Anonim
      Turan · 13 İyun 08:3400

      Qorkmali deyil GULMELI olacak onun ucun !!!

      Cavab yaz
  • Anonim
    sakin · 12 İyun 16:5701

    Lazım deyil qorxulu film çəkmək. Mənalı film olsa kifayətdir

    Cavab yaz
  • Anonim
    Maqa Sarkazm · 12 İyun 17:0771

    Azerbaycanda yawayan Azerbaycanlilarin heyati ele qorxulu filimdide neyniller film ujasi daha? Ele ona gorede bu qaragun millet komediyaya ustunluk verirki hec olmasa kinoya baxib uzu gulsun azda olsa derdi serini unutsun bir balaca

    Cavab yaz
  • Anonim
    Аkif · 12 İyun 18:2520

    Xox qorxdum

    Cavab yaz
  • Anonim
    Nuru · 13 İyun 00:5200

    Çox insan bilmir ancaq Azərbaycanda qorxulu film 1989 cu ildə çəkilib. Çox vahiməli bir filmdir. Yotubde yazın Əlaqə filmi gələcək. Filmin adı Əlaqədir. Baxin biraz qorxun:)

    Cavab yaz
  • Anonim
    Nuru · 13 İyun 00:5300

    Yazın Əlaqə filmi görün necə qorxulu filmimiz var.

    Cavab yaz
  • Anonim
    ///// · 13 İyun 10:4900

    Çoox Lap ÇOOOOX LAZIMDI Bizə

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.