Şou-biznes

Faiq Ağayev: Valideynləri görmür ki, qızları nələr edir? - VİDEO

15 Aprel 2019 19:49
3 Şərh     Baxış: 3 532

"Kazbekə şey basım, zırlanım"ın müzakirəsi bitməmiş daha bir bayağı musiqi - "otduşi" ley-pey, bomba kayfda" ortalığa çıxıb. Gənclər kamera önünə keçib, bu "mahnı"nı oxuyub, rəqs edirlər. Daha bir bayağı mahnı və ifa gündəm olub.

Qeyri-sağlam yaşam tərzini mahnılarında əks etdirənlər cəmiyyətin həssas üzvləri - gənclərin mənəviyyatına beləcə zərbələr endirirlər. 

Ziyalılar və sənət adamları tərəfindən ədəbsiz və jarqon ifadələrin yer aldığı mahnılar qınanılsa da, ifaçılar tənqidlərdən nəticə çıxarmaq istəmirlər. 

Milli.Az xəbər verir ki, Oxu.az-ın əməkdaşı bununla bağlı Xalq artisti Faiq Ağayevin fikirlərini öyrənib. 

O, internetdə bunun qarşısını almağın mümkün olmadığını deyib:

"İndi işimizi-gücümüzü ataq, gedək, o insanların boğazından yapışaq? Alınmır. Biz azad ölkədə yaşayırıq. Tövsiyə oluna bilər ki, televiziya kanallarımız, radiolar bu cür mahnıların yayımını dayandırsın. Elə insanların efirə dəvət olunmasını dayandırsın. Amma azad internetlə nə edəcəksiniz? 

İnsanların daxilində öz senzurası olmalıdır ki, mən bu işə əl atmayım. Bu yaxınlarda narkotiklə bağlı bir mahnı çıxdı və mahnının ifaçısı saxlanıldı. Mən sosial şəbəkədə öz rəyimi yazdım ki yaxşı olardı ki, mahnının aranjimançısı və studiya rəhbəri də məsuliyyətə cəlb olunsun. 

Çünki bu bilavasitə mənəviyyatımıza zərbədir. Deyirlər, hansı xalqı məhv etmək istəyirsinizsə, ilk növbədə onun mədəniyyətindən başlayın. Bu kimi ifalar və mahnılar bizim mənəviyyatımızın sıfırlanmasıdır". 

Xalq artisti gənc qızların bu kimi mahnıları dinləməsini pisləyib, onların valideyinlərinə səslənib:

"Baxıb görürəm ki, bu kimi mahnılara daha çox gənc xanımlar, qızlar qulaq asıb, rəqs edirlər. Mən buna qarşıyam, tamaşaçılarımızın əksəriyyəti də qarşıdır. Bəs bu valideynlər görmürlər ki, onların qızları nələr edir? Narkotikanı təbliğ edən mahnıların sədaları altında qızlar rəqs edir. Demirəm, tutub döysünlər. İzah etsinlər ki, olmaz". 

Milli.Az

Videonu izləmək üçün şəklə klikləyin:
Faiq Ağayev: Valideynləri görmür ki, qızları nələr edir?

loading...

Şərh yaz:

3 Şərh:

  • Anonim
    $$$. · 15 Aprel 20:26120

    İstər qız olsun , istərsə də oqlan . Məşquliyyəti olmayan , təhsil almayan , dunyadan bixəbərlər coxdur . Elə ailələrdə boşluq olur ki , bu gənclər lazımsız işlərlə məşqul olur . Yoxsa , valideyn tərəfindən hər şeyə nəzarət olsa , bu qızlar belə coşub daşmaz ! Amma , sözun duzu , elə yetim qızlar , oqlanlar da var ki , valideynlilərdən min qat mədəni , əxlaqlı və təhsillidirlər !

    Cavab yaz
  • Anonim
    Faiq · 15 Aprel 20:3191

    Duz deyir Faiq bey

    Cavab yaz
  • Anonim
    Düz deyirsiz · 16 Aprel 05:4720

    Faiq bəy vallah adam utanır youtube girmək mümkün deyil bizim bəzi qızlarımız nə oyunlardan çıxırlar. İnsan əsəb keçirir. Ana sayan var indi?! Anaya ataya hörmət qoyan qız tutduğu işlərə fikir verər. Gəlinlər, qızlar evə kişi salır. Allah uzaq eləsin. Elə qızı öz əlimlə öldürərəm. Tərbiyə namus gözəl şeydi.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.