Şou-biznes

"Bu qaydaları nə mən, nə də iştirakçılar poza bilər" - Murad Dadaşov

13 Dekabr 2018 01:15
2 Şərh     Baxış: 3 007
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xalq artisti Murad Dadaşov "Bizimləsən" verilişinin qonağı olub.

Milli.Az axşam.az-a istinadən bildirir ki, şoumen bu gün başlayacaq "Maşın" realiti-şousundan danışıb. Dadaşov oyunun bu dəfə "Hind kinosu" sloqanı ilə yayımlanmasının səbəbini açıqlayıb:

"Həyatımız başdan ayağa hind kinosudur. Kimsə kimisə axtarır. Hind rejissorlar bu həyatın təməlini kinolarda qurublar. "Maşın" şouda baş verən hadisələrdən bizim sabahımız, dünənimiz asılı deyil. Baxırıq, özümüzə müəyyən ölçü götürür, kimisə tanıyırıq. Amma sosial layihələrdə olanlar həyatımıza təsir edir. 

İnsanlar arasındakı münasibəti yaxından tanımaq istəyirsizsə, belə layihələrə baxın. Biz xəyalını qurduqlarımızın göstəricisi bu cür layihələrdir. 

İlk növbədə hamımız dostuq. Onlar hamısı mənim dəvətimlə gəlirlər. Evimin, ocağımın qonaqlarıdırlar. Olanlar isə hamısı həyatdan götürülüb.

Maşın ətrafında hər şey ədalətlidir. Orada qaydalar var, Murad Dadaşov başda olmaqla onu heç kim poza bilməz. Burada ən güclü insan belə dovşan kimi qorxaq ola bilər. Qorxaq isə qəhrəmana çevrilə bilər. Burada 9 kişi, 9 qadın olacaq. Bəziləri artıq şouda olub, bəziləri isə simasını göstərəcək".

M.Dadaşov ötən oyunun qalibi Roza Zərgərlinin avtomobili ilə bağlı sualları cavablandırıb. O deyib ki, bu buraxılışda maşının aqibəti bəlli olacaq.

Qeyd edək ki, 18 iştirakçı bu gün "Maşın" ətrafına yığışacaq. Onlar arasında Səmra Rəhimli, Sərxan Kərəmoğlu, Rühəngiz Allahverdiyeva, Nazilə Səfərli, Ramil Nabran, Taleh Yüzbəyov, Mina Hüseyn kimi məşhurlar yer alacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.