Tanınmış müğənni, əməkdar artist Cavanşir Məmmədov bir müddət öncə müzakirələrə səbəb olmuş qısaqol pencəyindən danışıb.
Milli.Az ölkə.az-a istinadən xəbər verir ki, əməkdar artist Çingiz Əhmədovun aparıcılığıyla yayımlanan "Pram-şok" verilişində qonaq olan müğənni sözügedən stildə pencəyi Azərbaycanda ilk dəfə məşhur qəzəlxan Əliağa Vahidin geyindiyini diqqətə çatdırıb:
"Bu pencəyi Azərbaycana ilk dəfə Əliağa Vahid gətirib. Ondan sonra Süleyman Rüstəm, ardınca Brejnyev, Brejnyevdən əvvəl isə Nikita Sergeyeviç Xruşov gətirib".
Ç.Əhmədov isə, öz növbəsində, C.Məmmədova zarafatyana cavab verib:
"Heç onlar geyinəndə səsi belə çıxmamışdı".
C.Məmmədov bildirib ki, Yeni il çəkilişlərinə də həmin pencəklə qatılacaq:
"Sən elə təqdim etmisən ki, pencək hamının xoşuna gəlib. Söz verirəm ki, Yeni il çəkilişinə bu pencəklə gələcəyəm".
Milli.Az