Şou-biznes

"16 yaşımda 8 nəfər fəhlənin briqadiri idim" - Əməkdar artist

13 Oktyabr 2018 18:20
3 Şərh     Baxış: 2 791
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Əməkdar artist Bəhram Bağırzadə "Mədəniyyət" kanalında yayımlanan "Bakı gecələri" verilişinin qonağı olub.

Milli.Az ölkə.az-a istinadən bildirir ki, aktyor uşaqlıq illərindən danışıb:

"Həyatda hər şeyə sevgiylə yanaşmaq lazımdır. Mənim atam o vaxt Daxili İşlər Nazirliyinin polkovniki idi. Amma mən 16 yaşımda fəhlə işləyirdim. Atam da tələbə vaxtı Rusiyada fəhlə işləyib. İşimi o qədər sevirdim ki, iki aydan sonra mənə səkkiz nəfər fəhləyə briqadir təyin etdilər. Gərək hər işi sevərək görəsən. Şəkil çəkəndə də, rol oynayanda da, səhnədə, təşkilatı işlərdə nə qədər iş görmüşəmsə, hamısını sevərək etmişəm". 

B.Bağırzadə ötən əsrin 90-cı illəri barədə danışarkən, "Bakılı oğlanlar"ın Rusiyadakı qələbələrindən də söz açıb:

"Həmin vaxt insanlar çox ümidsiz idilər. Çünki hər yerdə uduzurduq. İlk dəfə biz 1992-ci ildə Ermənistanın tibb universitetinin komandasına qalib gələrək, çempion olduq. Bizim ardımızca Nazim Hüseynov Barselona olimpiadasında olimpiya çempionu adını qazandı. Məhz bu iki qələbədən sonra insanlarda bir ümid yarandı".

Qeyd edək ki, "Bakı gecələri"nin aparıcısı Nurlana Cəfərovadır.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.