Tanınmış teleaparıcı Murad Əzimzadə ATV-dən getmə xəbərindən danışıb.
Milli.Az-a açıqlama verən aparıcı yayılan xəbərləri təkzib edib.
"Son günlər belə söz-söhbət gəzir ki, ATV-də fəaliyyət göstərməyəcəyəm.
Yəqin ki, buna əsas yeni verilişimin olmamasıdır. Bundan sonra bazar günləri "Bir axşam" verilişinə mənim aparıcılığımla baxacaqsınız. Amma onu da qeyd etməliyəm ki, bu veriliş sırf ATV-in yox, prodakşın istehsalıdır.
İnşallah yeni layihəm olacaq, hal-hazırda üstündə iş gedir. Bir sözlə, hələ də ATV-in işçisiyəm və aparıcı-layihə rəhbəri olaraq fəaliyyətimə davam edəcəyəm", - deyə aparıcı bildirib.
Əli Novruzəliyev
Milli.Az