Şou-biznes

Əməkdar artistdən etiraf: Uşaq kimi oturub ağlayırdım - FOTO

20 İyul 2018 14:20

0 Şərh Baxış: 3 524

#HADİSƏ #CƏMİYYƏT #SOSİAL ŞƏBƏKƏLƏR #MÜĞƏNNİ #CİNAYƏT

Ayın əvvəlində Gəncədə baş verən təxribatlara əməkdar artist Aybəniz Haşımova sosial şəbəkə hesabında etdiyi canlı yayım vasitəsi ilə fikir bildirib.

Milli.Az xəbər verir kİ, xanım sənətkar bu hadisələrin onu çox sarsıtdığını qeyd edib:

"Çox pis oldum. Evdə uşaq kimi oturub ağlayırdım. Nə oldu sənə, Gəncəm? Gəncə Azərbaycanın gözüdür".

Xatırladaq ki, iyulun 3-də Gəncə Şəhər İcra Hakimiyyətinin başçısına qarşı terror aktı törədilib, bir həftə sonra, iyulun 10-da saat 20 radələrində 150-200 nəfərdən ibarət bir qrup radikal ünsür şəhər icra hakimiyyətinin inzibati binasının önündəki meydana toplaşaraq asayişi kobud şəkildə pozmağa cəhd göstərib. Xidməti vəzifələrini yerinə yetirən polis əməkdaşlarının xəbərdarlığına məhəl qoymayan qanunazidd hərəkətlərin iştirakçıları özləri ilə gətirdikləri küt və kəsici-deşici alətlərlə asayiş keşikçilərinə müqavimət göstəriblər. Polis əməkdaşlarının həyata keçirdikləri qətiyyətli tədbirlərlə onların hüquqazidd əməllərinin qarşısı alınıb.

Qanunsuz hərəkətlərin qarşısı alınarkən xidməti vəzifələrini yerinə yetirən polis zabitləri İlqar Balakişiyev və Səməd Abbasov radikal ünsürlərin kəsici-deşici alətlərlə yetirdikləri zərbələr nəticəsində şəhid olublar.

Məhəmməd Vaqif
Milli.Az