Şou-biznes

Aybəniz Haşımova Gəncədəki hadisələrdən danışdı: “Özümə gələ bilmirəm…”

11 İyul 2018 18:12
9 Şərh     Baxış: 4 267

"Gəncəli olaraq, hadisələr zamanı çəkilən videoları göz yaşı içərisində izlədim. Heç istəməzdim ki, millətim o vəziyyətə düşsün. Bir anlıq ölmək istədim. Kaş, dünən yaşananları görməzdim".

Milli.Az axşam.az-a istinadən bildirir ki, bu sözləri əməkdar artist Aybəniz Haşımova deyib.

O, bildirib ki, Gəncədə baş verən iğtişaşa üzülür: "Mən Gəncədə böyümüşəm, o torpaqların ən gözəl dövrünün uşağıyam. Bütün uşaqlığım  gözümün önünə gəldi. Dünən Gəncədə ağlıma gəlməyən hadisələri gördüm. Bu, məni çox ağrıtdı. Burada ən böyük bəla "Dədə Qorqud"da Qazan xanın dediyi kimi, öz qılıncımız öz başımızı kəsdi. Bu, məni çox yandırdı".

A.Haşımova tez-tez Gəncədəki ailə üzvləri ilə danışdığını da deyib: "Çox narahatam, bütün qohum-əqrəbam Gəncədədir. Bütün gəncəlilər mənim doğmamdır. Fərqi yoxdur qohumluq bağı var, ya yox. Davamlı qohumlarımla əlaqə saxlayıram. Gəncənin ümumi halından narahatam. İstəmərəm, nəinki, Gəncədə, Azərbaycanın hansısa bölgəsində millətimin burnu qanasın. Onların birinin burnunun qanaması mənim ölümümə səbəb ola bilər. Bu durumda çox həssasam. İnsanlar təxribatlara uymasın. Düşmən baxıb sevinir. Gəncəlilərimdən xahiş edirəm ki, səbirli olsunlar. Ölkəmizin prezidenti var. Prezidentimiz hər şeyi yoluna qoya bilən prezidentdir. Bu hadisələri də yoluna qoyacaq. Mən musiqiçiyəm, siyasətçi deyiləm. Amma belə hadisələri görəndə düşünürəm ki, bu nə faciədir, nə biabırçılıqdır? Biz bu zülmü niyə çəkirik? Biz gücümüzü toplayıb, Qarabağa doğru getməliyik, torpaqlarımızı düşməndən azad etməliyik. Bir-birimizin qanını tökmək bizə yaraşmaz".

Əməkdar artist ötən gün sözügedən hadisələrə görə səhhətinin pisləşdiyini də deyib: "Mənə pis olsun, xalqıma təki yaxşı olsun. Dünəndən özümə gələ bilmirəm. Ağlayıram. Nə qədər təzyiq dərmanı içmişəm. Təcili yardım çağırmışıq. Bu cür hadisələrə soyuqqanlı yanaşa bilmirəm. İnanıram ki, tezliklə hər şey yoluna düşəcək".

Milli.Az

loading...

Şərh yaz:

9 Şərh:

  • Anonim
    Genceli Elvira · 11 İyul 18:2847

    Genceliler merd olur.Aybeniz xanimda merd bir qadindi.Onun semimiliyine inaniram.

    Cavab yaz
  • Anonim
    Afa · 11 İyul 18:4540

    Insallah

    Cavab yaz
  • Anonim
    kohne adam · 11 İyul 19:2971

    Eziz Genceliler siz hemise merd ,cesur olmusuz!!!!I Ixtisaslara yol vermeyin,aileleri bassiz qoymayin...TANRI sizi qorusun. Aybeniz xanima cansagligi arzulayiram...

    Cavab yaz
  • Anonim
    asi · 11 İyul 20:34102

    Gəncə boyda dərd düşsün o şəxslərin ürəyinə..Din adı ilə vətənini ağır günə salmaq istəyən kəslərə ar olsun..Mən belə dindən iyrənirəm ki, onun adı ilə rahat şəkildə maskalanıb viranəlik etmək olur, insanları qırmaq asanlaşır..Din mənəviyyatın, ruhun qidası olmalıdır, ölkəni yıxmaq üçün asan vasitə olmamalıdır..

    Cavab yaz
    • Anonim
      Daglı · 11 İyul 21:5482

      Asi,bu adamların törətdikləri cinayət dini dəyərlərə zidd olan bir hərəkətdir, bunlar dindar yox,cinayətkardı.Agsaqqal,həm də silahsız polisə hücum çəkmək heç bir dində yoxdur.Allah onların bəlasın versin inşallah.Amma polislər də səhvə yol verib,öz komandirlərini qorumaga borclu idilər.

      Cavab yaz
      • Anonim
        asi · 11 İyul 22:2071

        Səbəbkarlara və onları qızışdıran o saqqallı keçilərə min lənət..Videonu izləyəndən nə vəziyyətdəyəm özüm də bilmirəm..Insan necə azğılaşmalıdır ki, yaşlı bir adamı küçəin ortasında vəhşicəsinə öldürə bilsin..Onun günahı nə idi?? Dövlətinə, dövlətinin təhlükəsizliyinə xidmət edirdi və vəzifəsini yerinə yetirirdi...Dini bəhanə edib adam öldürmək olmaz..Dini ayin keçirmək istəyən gedib öz damının altda nə hoqqası var çıxardardı.Başını divara vurardı, saçını yolub yelə verərdi, qol qıçını doğrayardı ayin keçirərdi.Məgər Allah onların o hoqqabazlığını evlərində görə bilməz?? Gərək gəlib şəhər meydanında dini şou göstərələr?? Digər variantda isə, getsinlər iranda ağlaşıb baş-başa vursunlar, olara doğmadır bunların din adı qoyub göstərdikləri sirk..Bizə yad olan hoqqabazlıqlara din adı qoyub insanlarımızı öldürmələri bağışlanılmazdı..

        Cavab yaz
        • Anonim
          Daglı · 11 İyul 23:0752

          Din məsələsi deyil bunların dərdi, alçaqlıqdı.Bizimkilərdən də biri polis polkovnikidi,onu da bir neçə il bundan qabaq bıçaqlamışdılar vəhabilərə qarşı əməliyyat keçirəndə,amma xoşbəxtlikdən sag qalmışdı.Bu adamlar bu rütbəyə çatana qədər o qədər zülmlər çəkirki yazıqlar.Sonra da hansısa din adı altında fəaliyyət göstərən bir alçaqın silahına tuş gəlib ölüb gedəsən.

          Cavab yaz
        • Anonim
          asi · 12 İyul 08:5820

          Bəli razıyam, illərini işə verib yüksəlirsən, xidmət edirsən, sonra da şərəfsiz tərəfindən öldürülürsən, həm də heç bir müqavimət olmadan..Belə alçaqları ancaq ölüm hökmü ilə cəzalandırmaq haqq olar ki, başqalarına da dərs olsun..Cinayətkarları, başı boş kəsləri cəlb edirlər sektalara, sonra da onlardan əlehimizə istifadə edirlər..Ziyarət xəstə adı ilə irana gedən bəzi bu cür insanlara qarşı nəzarət güclənər hər halda..Mən hələ də iki gündür öz şüuruma sığışdıra bilmirəm olanları..Adam necə qanı xarab olmalıdır ki, ölkəsini millətini düşünmədən alçaqlıq etsin..

          Cavab yaz
  • Anonim
    basarkecerli · 11 İyul 22:3650

    polislerimize boyuk ALLAH dan rehmet dileyirem cox heyif onlara qalxan eller qirilsin onlar dindar yox teroristdirler dindar hec vaxt nahaq qan tokmez polisler gece gunduz bizi qoruyr ewq olsun polisimize ve dovletimize

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.