Şou-biznes

Mətanət Cennifer Lopezi bizimkilərlə müqayisə etdi

14 Aprel 2018 12:40
13 Şərh     Baxış: 5 358
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tanınmış aparıcı Mətanət Əliverdiyeva qarderobundan danışıb. Heç vaxt qısa ətək xoşlamadığını deyən aparıcı belə geyimlərin ona yaraşmadığını bildirib.

Milli.Az xəbər verir ki, yenicag.az-a açıqlama verən M.Əliverdiyeva açıq-saçıq geyinən müğənnilərdən də danışıb:

"Mən bilirəm ki, mənə nə yaraşır, nə yaraşmır. Heç vaxt qısa ətək geyinmirəm. Ayaqlarım toppuşdur deyə mənə yaraşmır, həm də qısa ətəkdə özümü rahat hiss etmirəm. Buna görə də çox vaxt uzun ətəklər geyinirəm. Amma qısa ətək, dekolte və ümumiyyətlə, açıq-saçıq geyinən xanımlara pis baxmıram. Yaraşır, geyinirlər. Məsələn, Lətifə Soyuözü çox bəyənirəm. Toppuş xanımdır, açıq-saçıq geyimlər ona çox yaraşır. Röya o vaxt ATV-dəki verilişimə gələndə, hərə bir söz danışırdı. Ay balam, bu xanım səhnə adamıdır, üstəgəl də hər cür geyim onu gözəl göstərir. Bir dəfə də Elnarə Xəlilova hovuzda şəkillər çəkdirmişdi, qızı az qala topa tutdular. Adam neyləməlidir? Hovuzda başqa necə şəkillər çəkdirməliydi ki? Cennifer Loppez soyunur, min hoqqadan çıxır, bizimkilər də baxıb ağızlarının suyunu axıdırlar. Amma bizim məşhurlardan biri peşmandır qısa ətəklə fotosunu paylaşsın, başlayırlar sosial şəbəkədə, söyüş yağdırmağa. Hamısı paxıllıqdandır. Həmin adamlar özləri o açıq-saçıq geyinən xanımların yerində olmaq istəyir. Mən paxıl insan deyiləm, xoşum gələndə, xanımlara komplimentlər edirəm. Gərək insanın içi paxıl olmasın".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.