Şou-biznes

Müğənni Yeganə: "Açıqlama verəcəm ki, gözünüz aydın, boşandım" - MÜSAHİBƏ - FOTO

13 Aprel 2018 14:10
20 Şərh     Baxış: 16 899

Milli.Az ailem.az-a istinadən müğənni Yeganə ilə müsahibəni təqdim edir. 

- Yeganə xanım, bəzən müğənnilər gecə yarısına qədər işləməli olur, ya səfərə çıxıb, günlərlə evdə olmurlar. Bu cür iş şəraiti ilə övladınıza necə zaman ayıra bilirsiniz?

- Ömər adlı 7 yaşlı bir oğlum var. Səhhətimlə bağlı o, yarımçıq doğulub, 7 aylıq. 2 yaşına qədər mən heç bir yerdə oxumadım, heç bir efirdə olmadım, sənətdən uzaqlaşdım. Çünki çox körpə idi və onu heç kimə etibar etmirdim. Həm də ana südü ilə qidalanırdı. Sonra da anam baxırdı ona və hazırda da nənəsinin himayəsindədir. İndi mən də  bacardığım qədər ona qayğı göstərirəm. Hər səhər nə qədər yorğun da olsam, işdən gec də, səhərə yaxın da gəlsəm, tezdən saat 7-də oyanıb, Öməri məktəbə özüm yola salıram.

- Nə əcəb oğlunuzun Türkiyədə təhsil almasını istəməmisiniz?

- Bu sualı mənə çox adam verir. Deyim ki, mən həmişə bizim təhsili daha üstün görürəm. Bilmirəm, bəlkə özüm həm orta, həm ali məktəbi burada oxuduğuma görə, istədim o da təhsilini burada alsın. Bəlkə də bir az qısqanclıq oldu. Hətta yoldaşımla da aramızda söz-söhbət oldu. O dedi, Türkiyədə özəl məktəblərin birində oxusun. Dedim, özəl məktəblər elə burada da var. Fərqi nədir ki? Bir də mən işimlə əlaqədar Bakıda daha çox olduğum üçün Öməri də burada məktəbə qoydum.

- Bilirik ki, yoldaşınız Türkiyə vətəndaşıdır. Maraqlıdır, onunla necə tanış olmuşdunuz?

- Tanışlığımız Türkiyədə olmuşdu, mənim işlədiyim illər ərzində. Əvvəl biz dost idik. Hətta yaxın rəfiqələrim də bu məsələni nöqtə-vergülünə qədər bilir. Bir dostumuzun vasitəsi ilə başqa bir iş əsasında tanış olduq. Dostluğun da axırı belə oldu. Yəqin ona görə deyirlər ki, xanımla bəyin dostluğu axıra qədər tutmur. Gəldi axırı evlilikdə dayandı.

- Bəs evlilik təklifi necə oldu?

- Türkiyədəki evlilik verilişlərinə baxanda hərdən qısqanıram. Deyim ki, mənə şanlı-şöhrətli evlilik təklif etdi, yox. Sakitcə soruşdu ki, Yeganə, mənimlə evlənərsənmi? Mən ona birinci "yox" demişdim. Sonra baxdım ki, xasiyyətimiz də uyğundur. İkimiz də qız bürcüyük, ikimiz də çox inadcılıq. O inadlaşanda mən sakit dururam, mən dəlilənəndə o sakitcə gedir ki, hirsim soyusun. Hərdən fikirlərimiz ayrı-ayrı olsa da, axırda susuram, neynəyim? Yəni gah o güzəştə gedir, gah mən...

- Yoldaşınız sizin müğənni olduğunuzu bilirdi?

- Yox, bilmirdi. Biz başqa bir iş vasitəsilə tanış olmuşduq. Dostu ilə birlikdə həmin işi həll edirdi. Tanış olduğumuzdan, yalan olmasın, bir 5 ay, bəlkə də daha çox sonra müğənni olduğumu bildi. Bir dəfə məni hava limanına yola salmağa aparırdı. Çantamdan diskimi çıxarıb ona verdim. Əslində, mənim çantamda heç vaxt diskim filan olmazdı... Necə oldusa, çantamın ağzını açdım ki, nəsə götürüm, bu zaman diskimi gördüm və götürüb ona verdim. Şoka düşdü, doğrudan bir anlıq şoka düşdü. Dedi, mən 5 aydır səni tanıyıram, amma bilmirdim müğənnisən.  

- Müğənni olduğunuzu bilməsi sevgi münasibətinizə hansısa bir təsir göstərdi?

- Əslində, o, Azərbaycan mahnılarını çox sevir. Ən çox sevdiyi mahnı da "Ay işığında" mahnısıdır. Hərdən mənə sual verirlər ki, sən evdə mahnı oxuyursan? And içirəm ki, yox, vallah, mən evdə mahnı oxumuram. Yoldaşım üçün də heç vaxt mahnı oxumuram. Hərdən qısqanır. Bu yaxınlarda Ömərə doğum günü məclisi etdik. Orada ona sual verdilər ki, heç Yeganə sənin üçün mahnı oxuyur? Dedi, yox vallah, siz efirdən necə qulaq asırsınızsa, mən də elə qulaq asıram Yeganəyə.

- Sizi qısqanırmı, məsələn, geyim-keçiminizə qarışır?

- Mən paltar almağa gedəndə hətta Ömərin də fikrini soruşuram. Deyirəm, Ömər hansı rəng yaxşıdır? O, uşaq da olsa elə gözəl rənglər seçir ki... Kişi var ki, qadınlarla alış-veriş etməyə çıxanda bezir, deyinir, tez elə, nə gördün al gedək. Fatehdə isə bu xasiyyət yoxdur. Çox zaman alış-verişi Türkiyədən edirik. Öməri qayınanam saxlayır, biz ikimiz gedirik alış-verişə. Çox gözəl zövqü də var, mənim paltarlarımı o seçir. Həmçinin onun paltarlarını da mən seçirəm. Onu da deyim ki, mən açıq-saçıq geyinməyi xoşlamıram, hər zaman çərçivəsində geyinirəm. Elə olur ki, hansısa paltarı əynimə geyinib çıxıram, deyir, yox, Yeganə, çıxar, bu, sənlik deyil.

- Ola bilərmi desin, ya sənətini seç, ya ailəni? Belə bir seçim qarşısında qalsanız, nə edərsiniz?  

- Mənim üçün ailə daha önəmlidir. Artıq 20 ildir, oxuyuram. O, birdən-birə mənə deməz sənətini at. Niyə deməz? Çünki bilir sənətimi, musiqini nə qədər sevirəm. Amma deyək ki, son nöqtə, qərar zamanı çatarsa, onda təbii ki, ailəni seçərəm.

- Bu zamana qədər aranızda hansı məsələlərə görə anlaşılmazlıq olub, dalaşmısınız?

- Yox, əslində, ciddi bir şey olmayıb. Amma Türkiyədə işıq üzü görən alboma mahnılar seçərkən o qədər dalaşdığımız, küsülü qaldığımız günlər olub ki. Hətta heç evlənməmişdən qabaq da həftələrlə küsülü qalırdıq. O deyirdi ki, misal üçün, bu mahnı sənin səsinə düşmür, onu alma, oxuma. Mən onunla inadlaşıb oxuyurdum, amma sonra heç bir dəfə də oxumurdum. Musiqi duyumu çox gözəldir. Heç zaman da yanılmayıb.

- O da musiqiçidir?

- Xeyr, o həmişə ticarətlə məşğul olub. İndi isə bir dövlət müəssisəsində işləyir. Musiqini çox sevir, amma səsi yoxdur. Səsi olsaydı, bir duet oxuyardıq.

- Hazırda Azərbaycandadır, yoxsa Türkiyədə?

- Yox bu yaxınlarda gedib Türkiyəyə. Bir azdan Ömərlə gedəcəyik ora. Ramazan ayında biz hər zaman orda oluruq. Yoldaşım orada işləyir, mən burada. Hərdən mənə bu barədə sual verirlər. Deyirəm, kişi o ölkədən pul qazanır, mən bu ölkədən...

- Geyimlərinizə çox pul xərcləyirsiniz?

- Əvvəllər həddindən çox pul xərcləyirdim. Ən çox da çanta və ayaqqabı xəstəsi idim. Eyni ayaqqabının yalan olmasın 15 rəngi olurdu məndə. Hərdən buna görə Fatehlə aramızda söz-söhbət olurdu, dalaşırdıq. Deyirdi, bu ayaqqabıdan 1 dənə aldın, ya 3 dənə aldın, fərqi nədir ki, alıb yığırsan? Deyirdim, mən efir adamıyam, bunun hər rəngindən məndə olmalıdır...

- Bir müddət əvvəl xəbərlər yayılmışdı ki, boşanmısınız...

- Bilirsiniz, bu sualı mənə verəndə artıq gülüb keçirəm. Deyirəm, bir adamdan necə ayrıla bilərsən, əgər bu adam sənin yanındadırsa? Yazıq mənimlə efirlərə də çıxır, xeyrə, şərə bir yerdə gedirik. Boşanmaq necə olur? Görmüşük ki, boşanan zaman ər-arvad ayrılırlar, hərənin özünün öz həyatı olur. Sadəcə tapmadılar mənim haqqımda nə yazsınlar, bu boşanma söhbətini çıxardılar. Yeganə bu qədər dayanmadan silsilə işlər gördü, kliplər çəkdirdi. Bir dəfə görmədim bu barədə yazsınlar. Artıq belə şeyləri oxumuram, reaksiya da vermirəm. Bir də görürsən, hansısa sənəd düzəltmək üçün gedirik, nikah şəhadətnaməsini çıxaranda çox təəccüblənirlər. Deyirlər, bəs sizin boşanmanız haqqında xəbərlər yazırlar? Gərək mən bu nikah şəhadətnaməmi şəxsiyyət vəsiqəsi əvəzi çantamda gəzdirim. Narahat olmasınlar, ayrılan kimi birinci özüm çıxıb açıqlama verəcəm ki, ay camaat, gözünüz aydın olsun, mən bu kişidən boşandım. Mən susuram. Artıq bu sual mənə adi gəlir. Bir veriliş var idi, orada məni gah evli, gah boşanan kimi qələmə verirdilər. Ora qonaq getdiyim zaman efirdən qabaq aparıcılara sual verdim ki, nə qərara gəlmisiniz? Bu gün mən hansıyam, evlənən, yoxsa boşanan? İşimi bilim, sonra oturum.

- Bəs yoldaşınız bütün bu söz-söhbətlərə nə deyir?

- Əvvəl mən özüm də haqqımızda olmayan şeyləri yazanda hirslənirdim. Görürdün ki, kimsə səni yığıb bunu şad xəbər kimi deyir. Hirslənirdim, əsəb keçirirdim. Sonra özümə dedim niyə əsəbiləşməliyəm axı?! Təzyiqim qalxır, özümü pis hiss edirəm. Artıq 9 il olacaq ki, evliyəm və bunlar mənim üçün adiləşib. Bundan sonra bir 19 il də desinlər, fərqi nədir ki...

Yoldaşım da əsəbiləşirdi. Deyirdi, reaksiya ver, cavab ver. Deyirdim, yox, reaksiya verəndə onlar daha da şişirdirlər. Biz sakitçiliklə yaşayırıq da... Əvvəllər bir yerdə şəkillərimizi də instaqrama qoyurdum. Amma indi onu da etmirəm. Ailəmlə, uşağımla bağlı paylaşımları hərdən edirəm. Deyirəm, qoy yazsınlar. Axır nə vaxtsa ya qələmləri qırılacaq yazmaqdan, ya da ürəkləri dayanacaq...    

Milli.Az

Məqaləyə dair fotomateriallar:

loading...

Şərh yaz:

20 Şərh:

  • Anonim
    R · 13 Aprel 14:131014

    Kime lazimsanee sen

    Cavab yaz
  • Anonim
    Əsranur · 13 Aprel 14:18257

    Lap qızıl xırdaladın-bizim təhsili Türkiyənin təhsilindən üstün tutmaqla.Gözyaşıyla oxudum bu fikri lap.Burda dərs keçirlər?Elə söhbət edinki,mən toyuğu duxovkadan çıxarıb,sizin müsahibəni ona oxudub-güldürməyi tərgidim dəəə..

    Cavab yaz
    • Anonim
      Əsranura) · 13 Aprel 16:0125

      Allah zehin açıqlıgı versin, işlərin avand eləsin.Sirr deyilsə hansı ixtisasda oxuyurlar?

      Cavab yaz
      • Anonim
        Əsranur · 13 Aprel 16:3723

        Uşaqlar?-Beynəlxalq Münasibətlər və Beynəlxalq Ticarət.

        Cavab yaz
        • Anonim
          Əsranura) · 13 Aprel 17:3430

          Salamat oxusunlar, xeyirli övladlar olsunlar.

          Cavab yaz
          • Anonim
            Əsranur · 13 Aprel 17:5430

            Təşəkkürlər.Allah hamıya xeyirli övlad nəsib etsin.Sənə də həmçinin.

            Cavab yaz
            • Anonim
              Əsranura) · 13 Aprel 18:0030

              Çox sag ol

        • Anonim
          MiruMir · 13 Aprel 21:3400

          Esranur xanim, ele boyuk usaqlariniz var?

          Cavab yaz
          • Anonim
            Əsranur · 13 Aprel 21:4820

            :))Aha.Ən kiçiyim 15 yaşındadır

            Cavab yaz
    • Anonim
      T · 14 Aprel 14:0600

      SEN NIYE OZ OLKENI ALCALDIB BASQA OLKENI USTUN TUTURSANKI?BELI BIZIM TEHSILIMIZ TURKLERDEN YAXSIDI.SEN KEND MEKTEBLERINE BAXMA.SEHER MEKTEBLERINDE GOZEL TEHSIL VERILIR.TURKIYEDEANCAQ MOLLALIQI OYREDIRLER.

      Cavab yaz
      • Anonim
        Əsranur · 15 Aprel 00:3400

        :)))))))Mən kəndi televizorda görmüşəm

        Cavab yaz
  • Anonim
    Emmaa❤❤ · 13 Aprel 14:21105

    Senin birdene normal mahnın Talehim mahnın idiki yadımda qalıb basqa ne oxumusane senin neyinden Millet yazacaq Türkiyeye Azerbaycan reysinen yazacaq)))))..

    Cavab yaz
  • Anonim
    IMF · 13 Aprel 14:3396

    Bu ne etsede,yenede bozbashdiki bozbash

    Cavab yaz
  • Anonim
    Zeynäb · 13 Aprel 14:4858

    Day bezdik e sennende.

    Cavab yaz
  • Anonim
    Ceyhun · 13 Aprel 15:4722

    Bu aciqlama bizi lap wok etdiki.Wou biznesde bele xeberler artiq adi hal alib.

    Cavab yaz
  • Anonim
    Yağmur-S · 13 Aprel 15:5962

    Bundan xoşum gelmesede bir sözünden xoşum geldi; iki seçim qarşısında qalsam ailemi seçerem.halaldı qız sene ,düz deyirsen aile önemli olmalıdı,yoxsa bezileri kimi,,,,,,,,

    Cavab yaz
  • Anonim
    KT · 13 Aprel 16:5301

    Offf

    Cavab yaz
  • Anonim
    natali · 13 Aprel 17:3902

    Ay yeqis birdene taleyim var idi onuda elinden aldilar tak sto get turkiye er harda arvada orda basi saxla u nas xvatayet nasi pivci

    Cavab yaz
  • Anonim
    Ellada Elizade · 13 Aprel 17:5400

    Çox maraqli müsahibe

    Cavab yaz
  • Anonim
    Seva · 13 Aprel 19:0111

    Yegane xanim Teqsir be sizdedir ne de canaatda.Prosta turklerden belleri mohkem deyil ona gore teecublenirler.ALLAH xosbext etsin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.