Şou-biznes

Əməkdar artist efirdə ağladı: "Anam adını belə yaza bilmirdi" - VİDEO - FOTO

19 İyun 2017 15:51
5 Şərh     Baxış: 3 432

ARB TV-də  Faiq Mirzəyevin təqdimatında "Ömrün fəsilləri" verilişinin budəfəki qonağı əməkdar artist Gülüstan Əliyeva olub.

Milli.Az bildirir ki, əməkdar artist ilk olaraq uşaqlıq illərindən və ailəsindən danışıb:

"Atam, anam həmişə çalışıblar ki, yaxşı geyindirsinlər. Evin böyük qızı mən idim, 1-ci paltar mənə alınırdı. Sonra o paltarı verirdim kiçik bacıma, sonra o verirdi o biri bacıma. Bütün bunlara baxmayaraq, biz ailədə düşünməmişik ki, bu şeyimiz yoxdu, kaş bizim də olaydı. Həmişə mən deyirəm ki, həyatımızda heç vaxt, heç bir halda, heç bir formada yeri dəyişməyən yeganə varlıqdı ana".

Daha sonra Gülüstan Əliyeva qeyd edib ki, anası onun musiqi təhsili almasının əleyhinə olub:

"Anam bizim musiqiyə getməyimizə, ali təhsil almağımıza qarşı idi. Çünki anam çox savadsız idi. Buna baxmayaraq anam bizim təhsilimizin üstündə çox dayanırdı. Anam adını yaza bilmirdi belə. Amma həmişə bizim yaxşı oxumağımız üçün, əyin-başımız üçün, davamiyyətimiz üçün çalışırdı. Amma qızın gedib uzaqda təhsil almasına qarşı idi. Ümumiyyətlə bizim nəslimizdə qız uşaqları oxumayıb. Bizim ailədən başqa ali təhsilli yoxdur. Bəlkə də dövrün tələbi idi, bəlkə də ailələrin görüşü idi bu. Amma Bəxtiyarın gözəl bir sözü var. Deyir ki, mənim şair anam, bəstəkar anam. Adını yaza bilməyən analarımız əslində çox savadlı idilər. Anam o qədər bayatılar, o qədər şeirlər, o qədər hekayələr. Bu insan savadsız olmağına baxmayaraq, o qədər dünya görüşlü, hər şeyin yerini bilən idi. Dastan idi bu insan".

Əməkdar artist sonda anasından danışarkən göz yaşlarını saxlaya bilməyib.

"Anam ailənin ağırlığını daşıyırdı. Gənc yaşlarımdan çıxıb Bakıya gəlmişdim, indi təəssüf edirəm ki, anamı çox az görmüşəm. Çox sonradan mənə nəsilləri haqqında, Abbasqulu Ağanın qohumları olmağı haqqında danışırdı. Anam o qədər maraqlı söhbətlər danışırdı mən deyirdim ki, ay ana bunların heç birini danışmamısan bizə. Deyirdi ki, ay bala işdən-gücdən vaxt olur ki".

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin:

Əməkdar artist efirdə ağladı:

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

5 Şərh:

  • Anonim
    hmmmm · 19 İyun 17:1210

    hmmmmm

    Cavab yaz
  • Anonim
    Arkadaw · 19 İyun 18:3400

    Vay be...

    Cavab yaz
    • Anonim
      !!! · 19 İyun 21:2610

      Anam sag olsaydi saclarini horerdim, ayaqlarini masaj ederdim. Ele darixmiwam ki...

      Cavab yaz
      • Anonim
        A · 19 İyun 22:1110

        . Allah rehmet elesin. Analar kaw ki ölümsüz olsa.... Allah hec bir anani övlad acisiyla imtahat etmesin

        Cavab yaz
  • Anonim
    Zen · 20 İyun 14:4800

    Mene ele gelırdıkı analar hec vaxt ölmurler. Amma ele deyılmış allah rehmet elesın rehmete geden anaları. Anasız cox ağırdı

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.