Şou-biznes

Murat Boz Bakıya gəlir

27 Yanvar 2014 19:48
Baxış: 3 703
VTB-də minimal faiz dərəcəsi ilə nağd kredit 9.9%-dən
#HAYAT PHARMACEUTİCAL INDUSTRİES COMPANY

Murat Boz Bakıya gəlir

2014-cü il 17, 18 mart tarixlərində Türkiyənin "yeni meqastarı" Murat Boz Heydər Əliyev Sarayında yeni konsert proqramı ilə pərəstişkarlarının görüşünə gələcək.

Milli.Az xəbər verir ki, uzun müddət meqastar Tarkanın vokalisti kimi çalışan Murat Boz solo karyerasına 2006-cı ildə "Aşkı bulamam ben" mahnısı ilə başlayıb. Bir-birinin ardınca oxuduğu "Püf", "Uçurum", "Vazgeçmem", "Hayat sana güzel", "Geri dönüş olsa", "Özledim", "Aşkın suçu yok", "Soyadımsın", "Sallana-sallana", "Olmuyor" və s. mahnılarının hər biri xitə çevrilib və müğənniyə böyük tamaşaçı sevgisi qazandırıb. Sənətçinin "Maximum" (2007), "Şans" (2009), "Aşklarım büyük benden" (2011) "Dönüş" (2013) albomları həm tamaşaçılar, həm də mütəxəssislər tərəfindən böyük maraqla qarşılanıb.

Murat Boza görə, səhnədə performans zamanı təkcə oxumaq yetərli deyil, çünki tamaşaçının qulaq zövqünü oxşamaqla yanaşı, eyni zamanda onun göz zövqünü də nəzərə almaq vacibdir. Buna görə də, Boz səhnə performanslarında dünyaca məşhur pop ulduzu Madonnanı hər zaman özünə örnək hesab edir.

Müğənniliklə yanaşı, söz yazarı və bəstəkar kimi də fəaliyyət göstərən Murat Boz 2011-2013-cü illərdə Hadise, Hülya Avşar və Mustafa Sandalla birgə "O səs Türkiyə" yarışmasının münsiflər heyətində yer alıb və finalda onun komandasından olan iştirakçının qələbəsi ilə birinci olub. Bununla yanaşı, müğənni "World Consumer Academy", Kral TV Video-Musiqi", "İstabul FM Altın", "Altın Kelebek" mükafatları laureatıdır.

Türkiyədə olduğu kimi, Azərbaycanda da çox populyar olan sənətçinin Bakıda ilk solo konserti Novruz bayramı ərəfəsində Murat Boz sevənlər üçün möhtəşəm hədiyyə olacaq.

Biletləri şəhərin bütün kassalarından 30 manatdan başlayan qiymətlərlə əldə etmək mümkündür.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.