Şou-biznes

Tanınmış azərbaycanlı teleaparıcı kanal dəyişdirdi - FOTO

1 Oktyabr 2012 15:43

0 Şərh Baxış: 5 071

VTB-də yüksək depozit faizleri daha çox qazandırır

#FACEBOOK, INC.

Milli.Az xəbər verir ki, iki ilə yaxın AzTV-nin Mədəniyyət kanalında "1001 sual" intellektual oyununa aparıcılıq etmiş Azər Süleymanlı sözügedən televiziya ilə əməkdaşlığını sona çatdırıb. Aparıcı Facebook sosial şəbəkəsində status yazaraq kanaldan ayrılma səbəblərini belə izah edib:

"Artıq "1001 sual" intellektual oyununda sizinlə görüşüm sona çatdı. Sabahdan (bu gündən) yeni bir aparıcı sizinlə görüşə gələcək. AzTV-də, "Mədəniyyət" kanalında çalışdığım il yarım ərzində ancaq xoş təəssüratlar, olduqca gözəl dostlar qazandım!

Yeni bir dəvətlə orda iş fəaliyyətimi dayandırmalı oldum. Yaxın həftələrdə ATV kanalında yeni bir layihədə sizinlə bərabərliyimiz davam edəcək. "Şərq ulduzları". Görüşənədək!"

Milli.Az-ın əməkdaşı ilə telefon söhbətində yazdığı statusuna əlavə şərh vermək istəmədiyini vurğulayan Azər bircə onu vurğuladı ki, siması və əsas aparıcısı olduğu yeni layihə istedadlı uşaqların üzə çıxarılmasına xidmət edəcək.

Onu da əlavə edək ki, Süleymanlı uzun illərdir televiziya sahəsində çalışır. O, hələ 7-ci sinifdə təhsil alarkən dövlət televiziyasında "Məhəbbət nəğmələri" adlı verilişdə aparıcı kimi efirə çıxıb. O, daha sonra doğulduğu şimal bölgəsində bir neçə yerli telekanalda aparıcılığını davam etdirib. Azər uzun illər Space TV-nin də bir neçə layihəsində aparıcılıq edib. O, hazırda həm də Regional TV-də yayımlanan "Azərkeş" verilişinin əsas simasıdır.

Şahin Cavadsoy
Milli.Az

Böyütmək üçün şəkillərə klikləyin.