Şou-biznes

"Allah bəlanı versin, Haluk Levent, pullar kasıbların idi" - (Foto)

18 İyul 2026 17:14

Baxış: 1 149

VTB-də minimal faiz dərəcəsi ilə nağd kredit 9.9%-dən

#MƏŞHURLAR #MÜĞƏNNİ #AKTYOR #QUMAR #TÜRKİYƏ ŞOUBİZNESİ

Uzun müddətdir Amerikada yaşayan keçmiş aktyor Tolqa Karel "Ahbap" Dərnəyi ilə bağlı aparılan istintaq çərçivəsində həbs olunan Haluk Levent haqqında sərt açıqlamalar verib.

Milli.Az axşam.az-a istinadən bildirir ki, Karel sosial şəbəkə hesabında paylaşım edərək Haluku tənqid edib.

"Allah bəlanı versin, Haluk Levent. O pullarda kasıbın, ehtiyac sahibinin, yetimin haqqı var. İnşallah, ağırlaşdırılmış ömürlük həbs cəzası alarsan" deyə, Karel bildirib.

Keçmiş aktyor daha sonra ifaçının bu hərəkətinin insanlarda məyusluq yaratdığını əlavə edib:

"Doğrudan da dəli olacağam. Bu necə dərnəkdir ki, yaxtalar, villalar, torpaqlar alınır-satılır, pullar özəl şirkətlərin hesablarına köçürülür? Bu, çox böyük qalmaqaldır.

Məncə, Haluk Levent insanların içində qalan son ümid işığını, o saf duyğuları da məhv etdi. Bunu cəmiyyətin mənəvi çürüməsinin tabutuna vurulan son mismar adlandırmaq olar. Çox pis oldum. Bilmirəm insan olmaq müqəddəsdir. İnsanlara hər zaman inandım".

Qeyd edək ki, Levent barəsində "Ahbap" Dərnəyi adına toplanan ianələrin bəzi şəxslərin hesablarına köçürüldüyü iddiaları ilə bağlı aparılan istintaq çərçivəsində həbs qətimkan tədbiri seçilib. Onun pulların bir qismini qumara sərf etdiyi deyilib.

Müəllif: Tural Hüseyn (Milli.Az redaktor)