Şou-biznes

Hüseyn Məhəmmədoğlu: "Oğlumun müğənni olmasını istəyirəm"

14 İyul 2026 16:05

Baxış: 1 262

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ

Klarnet ifaçısı Hüseyn Məhəmmədoğlu oğlu Məhəmmədin gələcək peşəsi ilə bağlı diqqətçəkən fikirlər səsləndirib.

Milli.Az xəbər verir ki, sənətçi "Xəzər axşamı" verilişində bildirib ki, övladının klarnet ifaçısı deyil, məhz müğənni kimi fəaliyyət göstərməsini arzulayır. Onun sözlərinə görə, bu sahədə uğur qazanmaq və yüksək gəlir əldə etmək daha realdır.

Hüseyn Məhəmmədoğlu qeyd edib ki, klarnet ifaçıları arasında yaxşı qazananların sayı çox azdır və bu peşədə böyük nailiyyətlər əldə etmək hər kəsə nəsib olmur. Buna görə də o, oğlunun fərqli istiqamətdə inkişaf etməsini istəyir.

Sənətçi əlavə edib ki, Məhəmmədi müxtəlif sahələr üzrə təhsilli görmək niyyətindədir. Bununla yanaşı, onun müğənni olmasını daha məqsədəuyğun hesab etdiyini vurğulayıb.

Hüseyn Məhəmmədoğlu evdə oğlunun səsi ilə bağlı deyilən fikirlərə də münasibət bildirib. O, zarafatla bildirib ki, bu gün məşhur olan bəzi ifaçıların da güclü səs imkanları yoxdur.

İfaçının açıqlamaları sosial şəbəkələrdə maraq doğurub və izləyicilər arasında müxtəlif müzakirələrə səbəb olub.

Müəllif: Tural Hüseyn (Milli.Az redaktor)