Şou-biznes

"Yazıblar ki, səni, o evi də partladacağam"

18 Fevral 2026 18:39
Baxış: 2 253
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #HADİSƏ #MƏŞHURLAR #UŞAQ #ŞOU #APARICI

Zaur Nəbioğlu təqdim etdiyi "Rəngarəng" verilişində səsləndirdiyi açıqlama ilə diqqət çəkib.

Milli.Az-ın məlumatına görə, teleaparıcı 12 yaşlı bacısı oğlu Uğura ünvanlanan hədə mesajı ilə bağlı danışıb. Onun sözlərinə görə, azyaşlıya SMS vasitəsilə "evdən aşağı düşməsən, səni və evi bomba ilə partladacağam" məzmunlu mesaj göndərilib.

Zaur bildirib ki, uşaq bu barədə dərhal ona məlumat verib və hadisə onu ciddi narahat edib:

"Həmin nömrəyə zəng etdim, eyni zamanda polisə müraciət etdim. Sağ olsunlar, 15 dəqiqə ərzində mesajın kim tərəfindən göndərildiyini müəyyən etdilər".

Araşdırma nəticəsində məlum olub ki, mesajı göndərən şəxs Uğurun sinif yoldaşının dayısı oğlu - 11 yaşlı uşaqdır. Bildirilib ki, azyaşlılar Uğuru evdən aşağı düşüb oyun oynamağa çağırıblar. O, imtina etdikdən sonra isə bu yolla onu qorxudaraq aşağı endirmək istəyiblər.

Aparıcı bildirib ki, bomba ilə bağlı zarafatların qəbuledilməz olduğunu vurğulayıb və belə halların sosial şəbəkələrin təsiri ilə artdığını düşünür:

"Biz uşaqlıqda belə şeylər etməmişik. Sosial şəbəkələr böyük təhlükədir. Valideynlər övladlarını nəzarətsiz buraxmamalıdır. Müəyyən hesablar və oyunlar var ki, uşaqlar onlara daxil ola bilməməlidirlər", - deyə o əlavə edib.

Zaur Nəbioğlu hadisə ilə bağlı həmin uşağın valideynləri ilə də danışdığını və belə davranışların yolverilməz olduğunu çatdırdığını bildirib. Hadisə sosial mediada geniş müzakirələrə səbəb olub.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.