Şou-biznes

"Sən aşıq yox, "ASIXSAN""

4 Fevral 2026 17:34

Baxış: 4 306

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #QALMAQAL #MÜĞƏNNİ #ŞOU

Müğənni Tacir Şahmalıoğlu aşıq Namiq Fərhadoğluna ünvanladığı sərt açıqlamalarla gündəmə gəlib.

Milli.Az xəbər verir ki, "Rəngarəng" verilişində çıxışı zamanı Tacir Şahmalıoğlu "od püskürüb". Buna səbəb isə Namiq Fərhadoğlunun "Tacir kimi oxuyan çoxdur" fikri olub.

Müğənni bu sözlərə kəskin reaksiya verərək qarşı tərəfi dayaz düşüncədə ittiham edib.

Tacir bildirib ki, belə fikirlər ağıllı insana yaraşmaz və Namiqin bu cür danışmağa haqqı yoxdur. O, bütün sənətkar aşıqlara hörmət etdiyini vurğulasa da, Namiqin ünvanına ağır ifadələr işlədib və onun sənətə verdiyi töhfələri sual altına alıb:

"Sənin kimi "saz sürənlər" yaxşı müğənnilərə kölgə salır. O, sənət üçün nə edib, nə yaradıb ki?"

Müğənni çıxışı zamanı mərhum Flora Kərimovanın vaxtilə dediyi fikirlərə də toxunaraq, Namiqin həmin sözlərin üzərinə çıxıb danışdığını" bildirib, gündəmə gəlmək istədiyini və onu başqalarının işinə qarışmamağa, özünə məşğuliyyət tapmağa çağırıb. Tacir Şahmalıoğlu hətta istehzalı şəkildə iş təklif edə biləcəyini də deyib.

Verilişdə səslənən bu qalmaqallı və kəskin ifadələr studiyada və sosial şəbəkələrdə geniş müzakirələrə səbəb olub.

Musa
Milli.Az