Şou-biznes

"Biz də teatrda işləyəndə 4 Şirvan 9 Məmmədə..."

20 Dekabr 2024 06:19
Baxış: 1 687
VTB-də minimal faiz dərəcəsi ilə nağd kredit 9.9%-dən
#AKTYOR

"Gənc Tamaşaçılar Teatrında işləyirdim. Maaşa görə çətin idi. Ailə ilə dolanmaq olmurdu. Dedim ki, televiziyaya əl atım. Gördüm ki, teatrın planları ilə uyğun gəlmir. Teatrdan uzaqlaşdım. "Bu şəhərdə" oldu teatr. Heç də əziyyəti teatrdan dala qalmır".

Milli.Az xəbər verir ki, bu sözləri Əməkdar artist Rafael İsgəndərov "Üzləşmə" yutub layihəsində deyib.  Aktyor teatrdan uzaqlaşmasının səbəbini açıqlayıb:

"Vaxt çatmır. Teatrlardan dəvət aldıq. Gördük ki, həmin qazancla olmur. Gərək "Bu şəhərdə"ni itirərdik. Teatrda o maaş yoxdur. Xalq artisti teatrda işləyir və toylara gedirsə, deməli, ona ehtiyacı var. Kateqoriyasına görə aktyor universiteti bitirir, gəlir teatra, "Bu şəhərdə"nin keçdiyi yolu keçir. Biz də teatrda işləyəndə 4 Şirvan 9 Məmmədə dolanmırdıq. Kosa-Keçəl, Şaxta baba, şənliklərdə siçan, pişik oynayan, klounadaya gedən olub. Mən də getmişəm. Teatrda işləyəndə tamadalıq da edirsən, başqa iş də görürsən. Mən teatrdan incidim getdim. Sonra doğma teatrıma qayıtdım və müqavilə ilə işlədim. Sonradan mən də, Coşqun Rəhimov da teatra dəvət aldıq. Bizim adımızı vuracaq, özü qazanacaq. Bəs, mən də qazanmaq istəyirəm".  /axşam.az 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.