Şou-biznes

"İnstaqram hesabınızı 1 saatlıq mənə verin"

27 Noyabr 2024 00:12
Baxış: 1 775
VTB-də minimal faiz dərəcəsi ilə nağd kredit 9.9%-dən
#APARICI

ABŞ-də yaşayan jurnalist Qənirə Ataşova instaqram istifadəçilərinə müraciət edib.

Milli.Az axşam.az-a istinadən bildirir ki, iki dəfə instaqram səhifəsi bağlanan jurnalist geniş istifadəçi kütləsi olan şəxslərin hesabları ilə canlı yayıma çıxmaq istədiyini bildirib:

"Azərbaycandakı geniş izləyici kütləsi olan instaqram istifadəçilərinə səslənirəm. Vicdanlı insanlardan xahiş edirəm ki, biriniz instaqram hesabınızı 1 saatlıq mənə etibar edin. Mən sizin instaqram hesabınız vasitəsi ilə canlı yayıma çıxmaq istəyirəm. Sizdən xahiş edirəm. Bu yolda bir məqsədim var. Azərbaycan vətəndaşını diplomsuz, saxta həkimlərdən qorumaqdır. Qanuna kor olan, qanunsuzluqlardan qorumaqdır. Çox xahiş edirəm, əgər özünüzdə inam, güc tapırsınızsa, 1 saatlıq instaqram hesabınızı mənə həvalə edin. Bilirsiniz ki, mənim instaqram hesabım dondurulub. Ümid edirəm ki, bu gün və ya sabah geri alaram. Amma mənim səsimi kəsmək istəyənlər var. Xahiş edirəm, yalnız bir məqsədimiz var. Əhalimizin humanitar məsələlərini qorumaq. Ümid edirəm ki, səsimə güc verən, güclü blogerlər, insanlar var".

Qeyd edək ki, bir neçə gündür Azərbaycanda bir çox həkimin saxta diplomla fəaliyyət göstərdiyini iddia edən jurnalist paylaşımları ilə gündəmdədir. İnstaqram səhifəsi şikayət olunan Qənirənin hesabı iki dəfə bağlanıb. Ataşova bir müddət əvvəl paylaşımlarına görə təhdid edildiyini də açıqlamışdı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.