Şou-biznes

"Nəslinizin kəsilməyi məsləhətlidir"

21 Fevral 2024 00:40
Baxış: 1 662
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Mən hər gün çıxan bu murdar xəbərlərdən iyrənirəm. 62 yaşlı kişi əqli qüsurlu qız uşağını zorlayıb hamilə qoymasınamı təəccüblənək, atanın qızına etdiyi seksual zorakılığamı, məktəbli oğlanların qızların başına açdığı oyunamı, məktəbli qızların öz həmcinslərinə etdikləri murdarlığamı?"

Milli.Az ölkə.az-a istinadən xəbər verir ki, bu sözləri müğənni Səmra Rəhimli deyib.

O, baş verənlərə görə, yeniyetmələrin valideynlərini tənqid edib:

"Hər kəs dünyaya uşaq gətirmək məcburiyyətində deyil. Çünki dünyaya gətirib özünüz kimi murdar insan böyüdəcəksinizsə, sizin nəslinizin kəsilməyi məsləhətlidir. Bu murdarlıqlara baxırıq əsəblərimiz pozulur. Hamısı da 100% mentalitet, ədəb-ərkan deyə-deyə özlərini həlak edənlərdir. Öz evlərindən bixəbərlər... İsanların çoxu bərbad vəziyyətdədir. Nə mədəniyyət var, nə düzgün danışıq qabiliyyəti, nə etika, nə də dünyagörüşü. İndi bu qızlara nə cəza veriləcək? Ana-atası gedib deyəcək ki "ay müəllimə, ay direktor, qələt eləyib, uşaqdır bilməyib, mən özüm ona evdə başa salaram". Və qurtardı getdi?! Evə də gələndə deyəcək ki, yaxşı eləmisən, qızım, hələ az eləmisən! Bəs o qızın həmin an yaşadığı və bəlkə də ömrünün sonuna qədər baş edə bilməyəcəyi travma? Bəs onun kəsilmiş o gözəl saçları? Evdə sən necə valideyn tərəfindən böyüdülməlisən ki belə bir varlığa çevriləsən. Gör, indi o qızların ailələri hansı psixologiyaya sahibdir".

İfaçı saçları kəsilən və təhqir edilən qıza dəstəyini ifadə edib:

"Əgər bu gün videolarını gördüyümüz, təklənən və saçları kəsilən qız mənim bu paylaşımımı görürsə, ona "Sən çox güclüsən, gözəlsən və özəlsən" sözlərini deyirəm. Heç bir şey sənin özgüvənini salmasın. Sənə bunu edənlər xəstə insanlardır, onlar onsuz da bu psixologiya ilə məhvə doğru gedirlər. Başını dik tut və əsla əymə. Səni çox istəyirəm".

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.