Şou-biznes

İlker Ayrık Bakıya gəlir

2 Dekabr 2022 12:34
Baxış: 692

Türkiyə kinosunun ulduzu İlker Ayrık Azərbaycana gələcək.

7 dekabr saat 19:00-da "Park Cinema Flame Towers"də İlkerin iştirakı ilə "Çakallarla Dans 6" filminin qala gecəsi keçiriləcək.

Gecədə İlkər Ayrık ilə yanaşı, "Diriliş: Ertuğrul" və "Kuruluş: Osman" seriallarının ulduzu, Didem Balçın da iştirak edəcək. Həmçinin "Bana sevmeyi anlat" serialının aktrisası Mine Kılıç da Bakıya filmin qalası üçün gələcək.

Qeyd edək ki, bu filmdə Şevket Çoruh, Timur Açar və digər aktyorlar da çəkilib. İlker Ayrık aktyorluq fəaliyyəti ilə yanaşı televiziyada aparıcılığı ilə də məşhurdur. Belə ki, "Ben bilmem eşim bilir" verilişi vasitəsilə o, Türkiyə və Azərbaycanda izləyicilərin sevgisini qazanıb.

"Çakallarla Dans 6" filminin kollektivi təqdimat günü - dekabrın 7-də Azərbaycana gələcək. Qonaqlar, həmçinin ertəsi gün Bakıda qalmağı, daha sonra Türkiyəyə qayıtmağı planlaşdırırlar.

Filmi yaradıcıları ilə birlikdə izləmək istəyənlər qala gecəsi üçün biletləri Park Cinema kassalarından və ya parkcinema.az internet saytından əldə edə bilərlər.

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics