Şou-biznes

Aygün Kazımova Rəhimdən danışdı: “Sonuncu dəfə dünən...“ - VİDEO

30 Sentyabr 2022 14:04
Baxış: 13 556
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xəbər verdiyimiz kimi, ötən gün vəfat edən müğənni Rəhim Rəhimli ilə vida mərasimi keçirilir.

Milli.Az xəbər verir ki, qafqazinfo-nun məlumatına görə, bəstəkar-müğənni ilə vidalaşmağa gələnlər arasında Xalq artisti Aygün Kazımova da var.

O, Rəhimlə bağlı xatirələrini bölüşüb: "Gözəl arzuları var idi. Gözəl layihələr planlaşdırmışdıq, duet də oxumuşduq bərabər. Təzə mahnı da aldım ondan. Gözəl formada idi, arıqlamışdı. Deyirdi necəyəm, aşkım, yaxşıyam? İmicimi dəyişmişəm, başqa cür olmuşam...

Ürəyində arzular getdi. Çox böyük arzuları var idi yaradıcılıqla bağlı..."

A.Kazımova onunla sonuncu dəfə görüşündən də danışıb: "Dünən yazdım ona. Hər gün yazışırdım. Yazmayanda bilirdim məşğuldur. 2-3 gün qabaq tədbirdə bərabər idik. O, elə-belə dərdini bölüşən insan deyildi. Ayağı sınmışdı, axıra qədər müalicə də almamışdı. Ona görə də ayağı şişirdi. Ancaq ən yaxın dostları ilə dərdini bölüşürdü. Rəhim şou-biznesdə ən yaxın sirdaşım idi. Hər şeyi ona danışırdım. Arxadan zərbəni bir ondan gözləmirdim. Başımız sağ olsun, belə bir sənətkarımızı itirdik.."

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.