Rusiya

Putinin canlı yayımına haker hücumu oldu

20 İyun 2019 17:35
0 Şərh     Baxış: 855

Rusiya Prezidenti Vladimir Putinlə "Birbaşa xətt" verilişinin "call-center"i xaricdən kütləvi haker hücumuna məruz qalıb.

Milli.Az bu barədə Sputnik Azərbaycan-a istinadən xəbər verir. 

""Call-center" xaricdən kütləvi DDoS hücuma məruz qalıb. Görünür, videozənglər zamanı baş verən xətalar məhz bununla bağlı olub. Lakin biz hücumun qarşısına ala bildik. Tətbiqin işi bərpa olunub. Biz zəngləri qəbul etməyə davam edirik", - deyə canlı yayımın aparıcılarından biri bildirib.

"Rossiya Seqodnya" və "RT" telekanalının baş redaktoru Marqarita Simonyan is öz "telegram" kanalında qeyd edib ki: ""Moskva Putinə" tətbiqinə DDoS hücumlar Ukraynadan həyata keçirilib".

Qeyd edək ki, Rusiya Prezidenti Vladimir Putin bu gün canlı efirdə vətəndaşların suallarına cavab verir.

Televiziya kanalları canlı efir üçün üç saat ayırıblar. Veriliş Moskva vaxtı ilə saat 12:00-da (Bakı vaxtı ilə saat 13:00-da) başlayacaq və "Rossiya 1", "Rossiya 24", "Birinci Kanal", "NTV", "OTR", "MİR" telekanalları, "Mayak", "Vesti FM" və "Radio Rossiyi" radiostansiyaları tərəfindən, o cümlədən sosial şəbəkələrdə yayımlanacaq.

Sualların qəbulu iyunun 9-u Moskva vaxtı ilə saat 08:00-da başlayıb və verilişin sonuna qədər davam edib.

Bildirilir ki, nazirlər və qubernatorlar prezidentin mümkün qeydlərinə və istəklərinə cavab verə bilmək üçün iş yerlərindən canlı yayıma qoşulurlar.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.