Rusiya

Rus mafiyası 1 nömrəli "qanuni oğru"sunu seçdi

20 Avqust 2018 13:59
Baxış: 7 278
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Moskvada qanuni oğrular son illərin ən böyük "sxodka"sını keçiriblər.

Milli.Az "ölkə.az"-a istinadən bildirir ki, 10-dan çox nüfuzlu mafiya başçısı 1 nömrəli qanuni oğrunu seçmək üçün bir yerə toplaşıb. Rusiyanın bu vaxta qədər bir nömrəli oğrusu Şakro Molodoy uzun müddətlik həbs cəzası aldıqdan sonra bu yer boş qalmışdı. "Rosbalt" nəşriyyatının xəbərinə əsasən, "sxodka"nın qərarına əsasən, kriminal aləmdə Şişkan kimi tanınan Oleq Şişkanov bir nömrəli oğru seçilib.

Məlum olub ki, görüş Mixail Lujnetskinin təşəbbüsü ilə keçirilib. "Sxodka" onun nəzarəti altında olan elit restoranların birində baş tutub. Görüşdə bu mafiya başçıları iştirak edib:

Vasya Voskres (Vasiliy Xristoforov", Miron (Dmitriy Çanturiya), Şişkan (Oleq Şişkanov", Mişa Lujnetskiy (Mixail Voevodin), Petrik (Aleksey Petrov), Aksen (Sergey Aksenov), Badri Kutaisskiy (Badri Koquşavili), Kaxa (Kaxaber Parpaliya),  Quca Kuatisskiy (Elquca Turkadze) və Meliya (Merab Qoqiya) iştirak edib.

Əvvəlcə kriminal dünyada baş verən son hadisələr müzakirə edilib: Lotu Qulinin Türkiyədəki aktivliyi, Tariel Oianinin Rusiyaya girişinə qadağa qoyulması, Şakronun uzun müddətlik həbs edilməsi və s.

Bütün görüş iştirakçıları ümumi fikrə gəliblər ki, Şakronun 9 il 10 ay müddətinə həbs edilməsi ölkə kriminal dünyasına yeni rəhbər seçilməsi tələbini ortaya çıxarıb. Mafiozlar bu posta Oleq Şişkanovu layiq görüblər. Artıq Rusiya mafiyasının lideri Şişkandır. Bu yaxın günlərdə isə "sxodka"nın qərarı kriminal aləmin bütün nümayəndələrinə çatdırılacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.