Siyasət

Azərbaycandan Ermənistana 211 milyon dollar gedib - İrəvanda qalmaqal

14 Aprel 2021 09:52
Baxış: 4 784

"2018-ci ildə Azərbaycandan Ermənistana 211 milyon dollar köçürülüb".

Bunu Ermənistandakı "Maariflənən Ermənistan" Partiyasının parlament fraksiyasının üzvü, deputat Armen Yegiazaryan Facebook səhifəsində yazıb.

"Bu günlərdə Dünya Bankının hesabatı ilə bağlı Milli Təhlükəsizlik Xidmətinə müraciət etdim. Hesabatda göstərilirdi ki, 2018-ci ildə Azərbaycandan Ermənistana 211 milyon dollar köçürülüb. Bu günsə cavab almışam və cavabda faktiki olaraq deyilir ki, Milli Təhlükəsizlik Xidməti bəhs etdiyim məsələ ilə maraqlanmır. Azərbaycandan Ermənistana belə əhəmiyyətli məbləğin köçürülməsi faktına belə laqeyd münasibət ən azı qəribədir", - A.Yegiazaryan yazıb.

Erməni deputat istəklərini reallıq kimi qələmə verir.

Reallıqsa budur ki, Dünya Bankının 2018-ci illə bağlı hesabatında belə "köçürmə" ilə bağlı hər hansı açıqlama və ya məlumat yoxdur.

İyunun 20-də Ermənistanda keçiriləcək növbədənkənar parlament seçkiləri öncəsi İrəvanda siyasi mübarizədə artıq bütün vasitələrdən, o cümlədən absurddan və aşkar marazmdan da istifadə olunur.

Orxan Hun
Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.