Siyasət

"Avropa-Azərbaycan biznes forumu yenidən baş tutacaq" - Kestutis Yankauskas

3 Fevral 2021 11:10
Baxış: 2 815

Ümid edirik ki, ötən il baş tutmamış Avropa-Azərbaycan biznes forumu yenidən baş tutacaq, tezliklə yenidən biznes mühiti sorğusu keçiriləcək.

Milli.Az Trend-ə istinadən bildirir ki, bunu bu gün Avropa İttifaqı və Ədliyyə Nazirliyinin həyata keçirdiyi "Azərbaycanda mübahisələrin alternativ həlli və ixtisaslaşmış məhkəmələrin inkişafına əlavə dəstək" layihəsinin açılış mərasimində Avropa İttifaqının Azərbaycandakı Nümayəndəliyinin rəhbəri Kestutis Yankauskas deyib.

O bildirib ki bu, mütəmadi olaraq həyata keçirdiyimiz Avropa İttifaqının bizneslərinin Azərbaycandakı fəaliyyəti ilə bağlı olan bir məlumat sorğusudur:

"Avropa İttifaqı Azərbaycanın ən mühüm ticarət tərəfdaşlarından biridir. Biznes və biznes mühiti ilə bağlı bir sıra qiymətləndirmələr, investisiya ilə bağlı müvafiq qiymətləndirmələr və digər sorğular keçirilməkdədir. Onlar mükəmməl, funksional qanunun aliliyi və məhkəmə sisteminin olmağının biznesin həmin ölkədə həyata keçirilməsi üçün ən ümdə prinsip olduğunu vurğulayırlar. Azərbaycan da bu sahədə gələcək illərdə sözügedən islahatların irəli aparılmasında çox işlər görəcək və görməlidir. Azərbaycan öz ərazi bütövlüyünü bərpa edib. Beləliklə də beynəlxalq tərəfdaşlıq, beynəlxalq biznes artıq işğaldan azad olunmuş torpaqlara dəvət edilməkdədir. Çünki birlikdə əməkdaşlıq etmək niyyəti bildirilməkdədir. Ən qabaqcıl müasir texnologiyalar, rəqəmsal texnologiyaların gətirilməsi də planlaşdırılır. Ümid edək ki, bu sahədə də biznes komponenti Azərbaycanla Avropa İttifaqı arasında güclənəcək. Bunun üçün də qanunun aliliyi heç şübhəsiz çox fundamental məsələdir. Məmnuniyyət hissi ilə qeyd edim ki, Avropa İttifaqının nümayəndə heyəti məhz bu məsələlərdə alternativ vasitələrin təqdim olunmasında mühüm tərəfdaşlardan biri olub".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.